• 【TVB連播兩套警匪片】ViuTV出動暖男鄭中基 女排鄧麗欣對撼
  • 2020-10-11    

 

TVB最近黃金時段播大陸劇《錦繡南歌》,再加高Ling孭飛嘅《C9特工》,成績慘不忍睹。

前者平均收視20點唔夠,仲差過同一時段上一節目,亦即被藍絲呼籲杯葛嘅《過街英雄》,平均都有23至25點。

《C9特工》好少少,目前平均收視22點,但比起上一套劇《反黑路人甲》平均27至30點嚟計,都係大幅下跌。

再咁落去唔掂喎!好彩,TVB之後嘅劇,齋睇牌面都算得上強勢,有《踩過界II》(11月9日)、《木棘証人》(10月19日)同《使徒行者3》(11月16日),仲有《金宵大廈II》拍得如火如荼。

大部分都可以食住前集個勢,有一定捧場客,特別係《使徒3》,雖然係警匪片,觀眾印象先打折扣,但勝在有爆Seed林峯回歸。《木棘証人》就擇使啲,一樣係警匪片,加上由羅仲謙拍住首次擔正女一嘅張曦雯,卡士麻麻。

另一邊廂,ViuTV個《熟女強人》開局差,幾乎滑鐵盧,好彩胡杏兒老公出軌劇情開始演技大爆發贏返唔少分數。

緊接嘅兩套新劇——《暖男爸爸》(10月26日)同埋《男排女將》(11月23日)其實好有吸引力,起碼題材屬於香港近年少見先啦,而且前者係鄭中基拍住張可頤,仲有效力TVB三十七年、喺《金宵大廈》大受歡迎點知慘被TVB減一半人工又減騷,為生計焗住約滿離巢又不獲邀請拍續集嘅劉江坐鎮。後者則由鄧麗欣領軍,帶住一眾MIRROR同ERROR成員打排球,齋估都知係笑料百出又青春熱血啦。

ViuTV用《暖男爸爸》對撼《木棘証人》,用《男排女將》出戰《使徒行者3》,究竟觀眾Buy暴龍哥、Stephy,定係撐TVB啲阿Sir呢?

----------------------------

《噴火30年壹驚艷 性感女星典藏集》特刊現已出版,各大書報攤及便利店有售,每本港幣九十八元正。

當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

了解更多

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所