• 【零工作再被騙出飯局】36歲傅穎崩潰後學懂愛生活:我以前做人係有啲行屍走肉
  • 2020-10-14    

 

不是玉女

17歲入行的傅穎,今年9月踏入36歲。香港人有句話:十八年又是一條好漢。

「好漢」意味着,那管從前種種,每個人都可以重新再來。

嬌滴滴的傅穎久未在港演出電視劇,在新劇《熟女強人》首次演雙性戀者,她對未演過的角色十分珍惜:「其實我唔覺得自己係玉女,即使係演小三或者壞人都唔係問題,只係睇點樣發揮角色,其實好好玩。我今次就當嗰角色係一個男人,呢啲機會係可遇不可求。」

傅穎自覺年輕時未有好好享受生活,她前年到布拉格旅行,盡情地在牆上畫畫,也已經好開心。
在香港,她會跟朋友出海曬太陽,也大方派福利。
在新劇中,她跟吳千語飾演一對,第一次扮演同性戀角色,她覺得很好玩。
她之前肥了十多磅,於是的起心肝做運動減肥,成功後,她更大方騷成果。

入醫院做手術

2002年,傅穎以女子組合COOKIES出道,9個女仔當中,條件比較突出的她不單比較離羣,也經常備受抨擊,不過她不大喜歡解釋。現在回顧,當年認為委屈的事情,現在可以笑着說並非甚麼一回事:「我當時唔識得打開自己,或者唔識同其他人傾偈,其實好多係自己溝通上嘅問題,我到而家都覺得自己表達能力好差,唔係特別好,但而家會願意去表達。」好像當年她經常扁桃腺發炎要入醫院,很多唱歌活動都被迫缺席,又被指走音,後來長期性發燒,她才狠心動手術切除,但也不刻意說明。
2002年成軍的COOKIES,傅穎當年只有17歲,跟其他女孩至今也沒有來往。
她跟鄧麗欣多年來一直傳不和,她說都是陳年舊事,兩人根本沒有交惡,不用刻意澄清。
成員由9個變4個,她因為經常扁桃腺發炎而被迫缺席活動。
組合解散前,幾個女仔開始作成熟打扮。

被騙出席飯局

09年,傅穎轉投其他公司開始個人發展,14年被安排到內地,她說這才算真正面對生活,去學解決問題:「以前好驚同其他人溝通、接觸,因為覺得自己溝通唔到。」所以當她在內地的頭半年零工作量,到被前經理人公司同事欺騙出席飯局,更一度大鬧片場迫她就範,當時愛情事業同告崩潰的傅穎,灰心得以為自己應該立即離開這個圈。

「當刻打擊係好大,同埋驚訝竟然發生呢啲事。但而家回想番又覺得無咩大問題,因為其實都好正常,能夠遇到一啲唔同嘅人,真係可以賺到一個經驗,如果無呢個經驗,可能而家都唔識處理呢啲問題。」她說。

傅穎在12年出了一本散文集《在摩天輪上》,宣傳句語是:「人生就好似摩天輪,總會經歷高低起跌」。到16年,她推出了《向上生長·長成自己喜歡的模樣》,她更將在北京被騙的事情也有詳細紀錄,看得出她由無助到懂得對的過程。

事實,傅穎不止出過散文集,這十多年還推出過充滿個人風格的畫冊,算是娛圈早一代「文青」。
在內地數年,她接拍了一些電視劇,雖然不算多產,但傅穎說工作收入足夠生活。
她出席「世界自然基金」慈善活動,也送出她的畫作。
傅穎其中一本散文集,名叫《我和陽光在一起》,書名反映其心境。
傅穎畫作。
傅穎畫作。

以前的確唔開心

歷練令人成長,傅穎反而慶幸在陌生環境生活的數年,她說:「接觸事物多,我覺得其實眼界闊咗,以前可能會好執着啲好少問題,而家會問點解仲要執着?我唔知點解自己仲要用咁多精力去諗唔開心嘅事,好白痴,以前浪費咗好多時間,同埋以前年輕,仲係好鍾意拍拖,拍拖變成好重要。」

現在的傅穎,認為最重要是熱愛生活,她說:「其實拍拖只係錦上添花,以前就會覺得係必需品。我覺得首先一定要熱愛生活,否則好多事情都無熱情,會變得行屍走肉,我以前就係有啲行屍走肉。」她以為「當時的確唔開心」,但現在反而覺得很幸福:「有咁多人支持你,或者已經得到好多嘢,要珍惜享受至啱。所以去到北京幾年,改變最大就係學懂享受生活。」
+4

凌晨4點起身睇書

傅穎在北京的居所以白色為主調,被朋友形容為「家徒四壁」,衣服傢具不多,就連枕頭也只有一個,有閨蜜偶爾留宿,只能叠起幾塊大毛巾當枕頭。她的感情生活更是乏善可陳,對上一個男友是小她幾年的蒙古男生,兩人在三年多前分手,至今一直單身,她說「陪伴是最長情的告白」,因為不喜歡這個人了,也就不想花時間在他身上。

「我在北京幾年學識一件事,就係愛自己生活,即係享受緊生活,唔係話賺好多錢,好富裕嗰種奢華享受。我每日都會做自己鍾意嘅事,例如喺屋企睇書、睇電影、同自己隻貓玩,呢啲都係我好鍾意。雖然嗰段日子係單身,但每一晚都好開心,鋪床單或黐貓毛就會諗,其實有個有瓦遮頭的地方,唔驚風吹日曬,有一張舒服嘅床,食咩嘢都有能力去享受,已經係幸福。」她說很享受這段時光,就算沒有太多工作。

「我好鍾意睇一本書時,可以凌晨四點起開始睇書,就係為咗當日可以完成晒自己想做嘅事,的確有啲奇怪嘅。因為我會排滿晒自己想做嘅事,如果唔早啲起身就做唔晒。」她說。
北京的家以白色為主,簡單生活令她感到舒服自在。
現在她會經常做些簡單的甜食如蛋糕,為生活增添樂趣。
睡床只有一個枕頭,閨蜜要留夜也沒有枕頭,她說並不打算多置一個。
睡房另一角,就連五桶櫃也是全白色。
她送給粉絲的月曆,當中一個月份,她畫了愛貓。

不寂寞但孤獨

傅穎今年也活得很充實,包括將自己最新畫作製成月曆送給粉絲、又會約多年前給過她機會的電影人見面,然後跟對方說句「多謝」;前度結婚生了小孩,高調顯示幸福,她沒有太大感受。本來想過36歲結婚的她,今年內應該不會圓成,因為她根本沒有這個心情。

「我唔寂寞,但有時會感到孤獨,因為獨處時間好長,但孤單同寂莫係兩回事。」她說。

網上關於「寂寞」和「孤獨」有這樣的解釋:孤獨的人不但不討厭自己缺乏社交生活的現況,而且還主動選擇這樣的生活;寂寞則正好相反。
+4

----------------------------

【圖太郎圖表秘笈課程 發掘出蠃錢機會】圖太郎| 網上直播講座

立即了解更多 ]

-----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!