• 【打慣逆境波︳十月終公演】舞台界大半年零收入 高世章《我們的音樂劇》遇疫情一波幾折仍堅守排練
  • 2020-10-04    

 

一場疫情打擊,演藝界首當其衝進入寒冬,雖然舞台藝術如被「冰封」,但一眾工作者的熱誠,在重重困難,仍堅持重返舞台時機,為的是每位表演者都渴望與觀眾的交流。

說的是十月舉行,由本地著名作曲家高世章策劃的《我們的音樂劇》音樂會。這個向本地音樂劇致敬的音樂會,將70年代至今的經典音樂劇作品,由八位舞台唱家班羅敏莊、林澤群、 張國穎、邵美君等人,聯同由葉詠詩指揮的香港小交響樂團現場演奏,重新演唱《遇上1941女女孩》、《雪狼湖》、《如果.愛》、《2月14日》、《一屋寶貝》等多首本地名作,台前幕後都是「黃金組合」。

此劇原是九月公演,但兩年前由籌備到綵排,如疫情一樣,一波幾折,面對一切不似預期,包括公演因爆發第三波疫情延期,然而台前幕後在未知之數下,仍不計付出的心血「成本」,堅持排練,做好準備。

著名本地作曲家高世章策劃的音樂劇,找來八位唱家班演員,其中四位(左起)林澤群、羅敏莊、王耀祖、邵美君。
另四位(左起)劉榮豐、張國穎、鄭君熾、陸嘉琪,他們將70年代至今的本地經典音樂劇作品重新演唱,其中有熟悉的《遇上1941女女孩》、《雪狼湖》、《如果.愛》等。

《我》的音樂會導演方俊杰說:「其實一直綵排嘅時候,都未收到確實消息係咪如期演出,因為疫情反反覆覆,同埋一直等緊政府公布,表演場所究竟幾時先至可以重開,但一直都未得,九月時甚至有打算取消,因為要就晒所有人個期,又要有場地,係唔容易夾,結果大家十月勉強都可以。其實大家都有啲忙,同其他工作重疊,有啲人甚至可能要犧牲其他工作去遷就配合。」

過程中,台前幕後的心情尤如過山車,方俊杰續說:「因為綵排時都唔知係咪可以如期演出,但又要繼續排,依家演出推遲至十月,其實係到九月中先至知道有機會重開表演場所,但心裡都只係諗先彩排啦,總之政府一放行,我哋都總算做好演出準備,始終舞台劇唔可以唔做準備就演出嘛!」為舞台進行到底!
《我們的音樂劇》由籌備到綵排,負責策劃的作曲家高世章花了兩年時間,原定今年九月公演,沒料由年初至今,香港經歷三波疫情,一度令公演無期押後。雖然台前幕後在未知之數下排練,但仍無損他們的期待,等候重返舞台與觀眾交流的時侯。
曾執導多套舞台劇,其中包括《短暫的婚姻》的方俊杰,亦是今次音樂劇的導演,對於台前幕後一度在「可能取消演出」的情況下不輕言放棄,仍努力排練,他說堅持源於這一個:「真係老土啲講就係愛,我哋一班人都好喜愛本身工作,我諗心裡面係好想表演,包括嗰八位演員都好想將咁精彩嘅內容,表演畀觀眾欣賞。」
高世章聯同由葉詠詩指揮的香港小交響樂團現場演奏,加上八位舞台界唱家班,舞台劇鐵粉知道這是黃金組合,加上疫情只能開放半場,故就算加場,門票亦快速搶購一空。

舞台界大半年無收入,為生活很多被迫轉行,參予這劇的人,很多都要收工後,返回理想崗位「OT」。當時連公演期都無法落實,堅持,源於對舞台不放棄的熱愛。

「真係老土啲講就係愛,我哋一班人都好喜愛本身工作,亦因為疫情關係停擺咗大半年,好多呢一行嘅人,都已經有八、九個月無喺舞台上演出。我諗呢個感受會慢慢累積,因為呢個情況(疫情停工)好罕見,即使往時唔多工作,但平均兩三個月都會有一個演出,甚少會八、九個月完全無上台表演、或任何工作,而呢個情況仲要係被迫嘅,係自己唔想嘅。我諗心裡面係好想表演,嗰八位演員都好想將咁精彩嘅內容,表演畀觀眾欣賞,令佢哋就算幾辛苦、幾難夾檔期都希望繼續演出,唔想輕言放棄。講一句:『都唔知夾唔夾到,唔做喇!』係幾咁易,但就可能錯過今次重新演出,錯失一次機會。

「我諗佢哋嘅表演慾都忍咗好耐,甚至覺得觀眾想觀劇嘅慾望都好強烈,其實都印證咗,因為銷情唔錯,基本上都需要加場。可能係大家對劇場嘅愛,雖然好老土,但因為太希望能夠完成呢件事,所以大家都不計較其他問題,希望能夠成就件事。」《我們的音樂劇》如今落實9/10—11/10公演,因限聚令要有座位距離只開放半場,加上觀眾「餓劇」已久,反應好之下加場。

要排除萬難,首先不輕言放棄,本地舞台界,從來靠自己推動,尋找生存空間,可以說打慣逆境波!今次透過《我們》,相信不單看到認真高質的演出,還有一份本地藝術工作者的精神,環境如何無法預期,只要仍有一絲表演空間,他們願意撻著engine(引擎)等待。

「之前都有報導話有啲演藝界人士,因為疫情無工作,所以要轉行。其實聽到呢啲消息好痛心,因為唔應該係咁樣,但為咗生活都無辦法,都需要交租、食飯,唯有轉行。希望情況穩定後,佢哋可以回歸,否則有啲事情返唔到轉頭就好慘。」方俊杰說。

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所