• 【冚家藍|撐藍色經濟圈】25歲孻仔《全民造星II》出局後冇嘢撈 姜大衛:要堅持到底
  • 2020-10-01    

 

眾所周知,姜大衛個女婿曹永廉藍到黑,姜大衛跟他立場一致,並以行動支持藍色經濟圈。日前他跟太太李琳琳和孻仔姜卓文連環幫襯藍店,又買又食,果然是藍色家族。縱使孻仔《全民造星II》出局後冇嘢撈,姜大衛仍然堅持不回流加拿大,硬撐:「搵食梗係香港好過外國啦!」果然愛國愛港。

姜大衛同女婿曹永廉一樣是藍精靈一族,同聲同氣。,
姜大衛於90年代初已舉家移民加拿大,07年才回流香港。
李琳琳與兩位女兒及細兒子合照。
對於香港現下有很多人萌生移民想法,自己作為過來人,卻認為香港好好,不用移民。

幫襯沈嘉偉

藍色姜大衛,絕非得把口,點解咁講?因為日前見到姜大衛、太太李琳琳同孻仔姜卓文(細John)一家三口逛商場,唔只特意挑選沈嘉偉的藍店i.t.來光顧,就連中午都在i.t.引入的快餐店開餐。食飽後行兩步前往沈嘉偉的藍店shopping,姜大衛揀衫,阿仔試帽,由食到買都係光顧藍店,果然十分專一!以「冚家藍」來形容姜大衛一家,最貼切不過。



事實上,姜大衛於90年代初已舉家移民加拿大,07年才回流香港。他早前接受本刊電話訪問,對於香港現在有很多人萌生移民想法,作為過來人的他卻認為:「香港都唔差吖,香港都好好㗎!搵食梗係香港好過外國啦,好好多啦香港、內地,好過去外國!」又指自己唔識政治,但認為香港人好叻,相信香港好快復原。」
一家三口由食到買都係光顧藍店,果然十分專一!
吃burger的餐廳是由i.t.引入,姜大衛負責埋單。
食飽後行兩步前往shopping,姜大衛揀衫,阿仔試帽。

出錢出力助追夢

正所謂孻仔孻心肝,姜大衛49歲老來得子,細John想做咩,他與太太也一定支持。25歲的細John,雖然大學修讀平面設計,但畢業後卻選擇入行當藝人,爸爸沒有反對,只希望兒子要堅持到底,不要三分鐘熱度。

19年,細John參加ViuTV的《全民造星II》真人騷,不過,第三回合已經被out出局。雖然出道遇上滑鐵盧,但細John照足父訓,冇輕易放棄歌唱夢,仲不時在網上自彈自唱英文歌,但歌藝水準則見仁見智喇!

不過,最重要是爸爸在生活上出錢出力支持,非給他打氣,讓他無後顧之憂地追夢。細John家中有個私家練歌房,雖然面積唔算大,但設備應有盡有,質素仲唔差,就知姜大衛和李琳琳有幾落本撐他,絕對是孻仔孻心肝。

獲父母大力支持,細John亦十分孝順,由於目前只有兼職工作,他有空便經常陪伴兩老歎茶逛街。

畢竟已經25歲,細John食嘅買嘅都係由爸爸負責,都是時候為將來打算一下,唔通一世靠父母咩!
姜大衛冇反對兒子入行,只希望他堅持到底,不要三分鐘熱度。
19年,細John不靠父蔭加入TVB,反而參加對台ViuTV的《全民造星II》真人騷。
後生細仔,最愛食burger!
25歲的細John,雖然大學修讀平面設計,但畢業後卻選擇入行當藝人。
雖然細John第三回合已經被out出局,但他照足父訓,冇輕易放棄歌唱夢,仲不時在網上自彈自唱英文歌,但歌藝水準則見仁見智!

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所