• 【結在瘟疫蔓延時】林熹瞳婚禮遇疫情兩度改期 由年頭改到10.1: 原來要嫁得出係咁難!
  • 2020-09-28    

 

曾主持有線節目《怪談》,人稱「怪談女」,現是艾威經理人,又身兼編劇的林熹瞳(Rachel),將於10.1中秋節下嫁圈外男友。講到這場婚事,可謂「結在瘟疫蔓延時」,出嫁都要一波三節。由原先行禮及婚宴定在今年四月舉行,卻遇著武漢肺炎在香港大爆發,人心惶惶,結果婚禮延至八月,豈料改期後仍逃不過第三波疫情,被武肺及限聚令打亂陣腳,林熹瞳婚禮又被迫二度延期至十月一日的中秋節,婚宴則安排在月尾Halloween。

結在瘟疫蔓延時的準新娘Rachel,婚禮一延再延,實在心力交瘁:「原本4月18日,因撞正疫情剛在港爆發,唯有改到8月9日,以為見疫情已控制,又取消室內限聚令,諗住順利嫁得出,點知又爆第三波,要改到去十月。依家行禮同婚宴分兩日,係因為媽咪堅持擇咗吉日出門,要就老人家要求。」屆時行禮,亦因限聚令政策,只容12人觀禮。

至於堂食放寬至四人枱,月尾10月31日擺酒的她,亦要重新安排。

「原本賓客請近二百名,但現在跟政府限聚令指引下,我哋最多請160多人,有30多人請不到,剩下幾圍酒席,待日後再在其他日子消費。

婚期改來改去,依家有啲海外親友都嚟唔到,部分親友時間上又夾唔到。當日派喜帖時,仲跟朋友講:『我終於嫁得出!』,但依家再通知親友,就會話: 『原來要嫁得出係咁難!』。」

+4

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所