• 【大門廁所貼滿所愛】直擊搬家黃秋生千呎麻甩竇
  • 2020-09-26    

 

人到59歲,因清還一筆債項,需要節省開支,無奈搬離住了廿年的獨居「天堂」(婚後仍保留這個私人空間),展開第二人生,黃秋生說凡事都有兩面。

「人都係好懶,若非因外在環境轉變,都唔會好積極去檢視自己。呢間屋堆積咗廿年嘅舊物,我從來無執拾過,藉住今次執拾細軟一次過清理,當你切切實實去做事情,其實煩惱會慢慢消失,每日將佢付諸行動,唔好諗咁多,Just do it!

所以我覺得人世間每件事都有好壞兩方面,壞處當然要搬離一個咁有感情又熟悉嘅地方,當中有咁多回憶,又要捨棄咁多物品,有好多事情要處理,辛苦又有壓力,但另一方面,係一個好好檢視自己人生嘅時候,呢幾十年經歷過同做錯過咩嘢,好似放映機咁,腦海不停湧現,當你肯面對,又提醒自己喺未來人生唔好再犯同樣錯誤,係一種智慧。」

撐四層樓梯返家

由他事業起步,住到走入谷低撤走,影帝這個連天台的千呎居所,位於大坑橫街的優雅唐樓,過往撐四層樓梯歸家不覺吃力,但到搬家,把近百袋雜物搬走上上落落,秋生滋味:「當然覺得煩,幾十歲行上行落膝頭都痛,搬完嘢真係痛到天光。但如果唔係咁樣,其實又唔會出咁多汗,唔會覺得咁健康,我而家幾健康喎!搬完又要拆箱,真係近年最健康最多運動量嘅時候,之後有個新環境畀我踩下單車。」在逆境,他總會找到樂趣的出口。

從未拆開的生日禮物

影帝住了廿年的地方,裝修毫不究講,皮沙發,木茶几,中式木書枱等,大多傢俱都很破舊,求的只是一份住慣住熟的舒適感。大門隨意貼著自己的大字作品「仁者不憂,知者不惑,勇者不懼」,「平常心是道」,出出入入都在提醒。

大門走廊放了兩件龐然巨物,其中一件是何超儀送給他的生日禮物,但近十年都未「開封」。

秋生:「佢送畀我嘅滑浪板,好貴要幾萬蚊,但我一直無用過,而家幾十歲,骨頭脆,唔去玩滑浪啦!搬返出嚟,唔想浪費,所以同佢講咗會送番畀佢。」

另一件是當年拍電影《金雞》,戲裡他的巨型人像畫。「嗰時唔知邊個畫家幫我畫,無名,我見幾靚就keep起,但而家搬屋無地方擺,諗緊會唔會賣。」

廁所貼滿所愛

洗手間牆身化身海報牆,貼滿多年自己喜歡的雜誌照片,包括他自己過往的訪問照,雖然他說一切只是隨意,但每日坐在馬桶辦事,看著從雜誌撕下來,留紀念的一幅幅畫面,對他而言,可能就係順暢啲!

廳中角落有張優雅的中式木書枱,這裡不是寫作練書法之地,而是昔日最高紀錄三日三夜,不眠不休打機的「勝地」。

三房一廳

三房一大廳,除了睡房稍為整齊,書房及服裝間,甚至廚房,搬家前早已變成雜物房,但亂中有序,屋主秋生清楚知道每件舊物的所在處。一個男人的麻甩竇,就是亂中找到自己的comfort zone。

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所