• 【禁忌之林】技安維尼不稱王稱霸(林忌)
  • 2020-09-25    

 

從前有隻技安維尼,佢在聯合大會上面,聲稱:「我從來都唔想稱王稱霸,從來唔會欺負其他人」

「但係你日日喊打喊殺喎」

「我自衛咋,不惜一切代價,都要打佢一身」



「但你話要人哋死路一條喎」

「我維護自己嘅範圍完整咋」



「但你搞咩一帶一路,全地球都玩晒喎」

「我出錢做善事咋」



「你租借人哋屋企99年喎,大耳窿呀?」

「我借錢幫窮人,順便幫你裝修添呀!」



「你大病仲去人哋屋企玩,惹到全校同學病晒,停課停足幾個月喎」

「反對把疾病政治化!」



「你不斷威嚇要打人,又不斷欺負同學仔,又偷睇人沖涼,仲要倒吊大雄來打喎」

「不得干預我內政!反對單邊主義!反對霸權主義!我只係為人類作出偉大貢獻咋!」



「貢唔貢獻,係你自己講架咩?唔係人哋讚你咩?」

「我做嘢光明磊落!我為全世界經濟復蘇,提供強勁動力!」



「你蝦澳洲仔喎,杯葛人全家喎」

「係澳洲仔政治化,走去要查我點解惹病同學」



「你蝦加仔喎,係咁搞佢喎」

「係加拿大仔捉咗我女神曼曼周,我好仁慈喇」



「你蝦捷克仔喎,走去燒佢部鋼琴喎」

「係捷克仔踩我場,走去同我對家做朋友」



「你蝦印度佬喎,用石頭掉佢,仲用關刀斬佢全家喎」

「係差仔搞事在先,佢過界!叫佢返去食蕉啦」



「你蝦賓仔喎,人哋話你應承咗筆數都仲要未找!」

「我應承過唔代表要找數,你第一日識我呀?」



「咁你日日兇台灣仔呢?」

「台灣係我地頭,係我屋企不可分割嘅一部份,邊個搞獨立死路一條」



「你走英國佬數,唔認份合同呢?」

「份合同係歷史文件」



「咁你呢排狂鬧佢做乜?」

「佢走我數,走去搶香港人」



「又話份嘢係歷史文件?你唔守人哋要守?」

「違反合同上面嘅文字……唔算違反合約!……重要係精神!我哋就最注重合約精神!」



「喂,你每年從美國佬身上賺咁多錢,人哋話你唔公平喎!」

「自由經濟!生意還生意,反對把生意政治化!」



「咁你之前又杯葛韓國仔?」

「泡菜仔裝防盜系統,令我感到威脅!仲有以前嘅嘢唔好再提啦」



「咁日本仔呢?你做咩抵制佢?」

「架仔以前蝦我!而且我而家同佢冇嘢啦!仲有...」



技安維尼突然變臉,兇神惡煞地大叫一聲:「問問問,問咩問?你阻住我做嘢呀!你做乜行入封鎖線,信唔信我打你一身?」

記者:「喂,又係你自己話開記招」

技安維尼:「你張記者證係記協發出,我而家唔承認啦,你再唔走我就捉咗你!」

記者:「又係你叫我來,家下又話我阻住你,即係想點呀?」

技安維尼:「只要你遵守我嘅法律,你嘅合法權利都會獲得保障」

記者:「咩叫你嘅法律先?邊個做裁判先」

技安維尼:「我法律就係由我決定,裁判當然由我自己做返,我屋企就從來都冇咩三權分立,我頭髮就係基本法」

記者:「即係你講晒啦,呢啲又唔畀問,嗰啲又唔想我問,咁我問咩好?」

技安維尼:「你可以欣賞我歌喉,再讚歌聲好聽㗎!」

記者:「好難聽!」

(同我拉佢出去,佢煽惑暴動,違反我國安法,拉佢走)

記者:「......」

(佢冇起立,唔莊重,影衰我首歌,拉佢走)



電視新聞報導,有隻維尼在電視上講:「中國是世界上最大的發展中國家,走的是和平、開放、合作、共同發展的道路。中國永遠不稱霸,不擴張,不謀求勢力範圍,中國不追求一枝獨秀,不搞你輸我贏,也不會關起門封閉運行,將逐步形成以國內大循環為主體、國內國際雙循環相互促進的新發展格局。」



「嘩!好好聽呀!好嘢!Yeah!!!」

「國安大法好!合作雙贏!Win! Win!」

「咩叫雙贏呀?」

「即係中國贏兩次呀!Yeah!」

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所