• 【任家移動衣架】任達華15歲獨女搶鏡過阿媽琦琦 擁逆天長腿成品牌新寵
  • 2020-10-04    

 

名模琦琦米八高,佢個女任晴佳先至15歲,但已經快要同阿媽平排。唔怪得仲未成年就成為時裝品牌新寵、模特兒工作邀約愈來愈多啦,根本係個移動衣架。同阿媽出街,就係兩個衣架通街走。

15歲的任晴佳快與180CM的媽媽等高。

武漢肺炎之下娛圈幾近停擺,但望望任晴佳IG,依然有唔少模特兒拍照工作,要知道佢仍然係個15歲學生,未正式入行工作㗎,算得上係搶手貨啦。無耐前,佢仲同阿媽琦琦母女檔接Job添。任晴佳化埋妝個樣減少咗稚氣,真係搶咗阿媽唔少Fo㗎。
得天獨厚的衣架身材,未畢業、未入行已成品牌新寵。

其實,本刊喺街撞見佢兩母女孖公仔出動,目光亦好自然放多啲係任晴佳身上,畢竟佢對逆天長腿真係長得交關,驟眼睇腳長過身,比例都幾「趣緻」,好似踩高蹺咁。同影相工作時唔同,任晴佳私下出街無化妝,個樣即刻符合返年齡,妹妹仔咁。記得佢講過自己係個唔化妝,甚至連衫都好少買嘅人,原因好簡單,亦好貼地,因為佢話自己仲係學生,著校服多,唔使點買衫打扮,所以連化妝品都好少買,最多搽下潤唇膏,或者阿媽會畀啲唇膏、睫毛液。

使乜買衫吖,大把品牌想畀衫佢著,而且依家先15歲,來日方長!
任晴佳生來一對大長腿。

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所