• 【媽媽自小薰陶】裕美開網店賣珠寶遇挑機客:會叫佢過主唔好阻我
  • 2020-09-26    

 

數月前開網上珠寶店,裕美坦言也不是只為賺錢。原來近兩年,她發覺越來越愛珠寶鑽石首飾,就連一般女仔覺得好老土的玉器都開始欣賞。

「因為自己最近兩年瘋狂愛上珠寶,但其實媽媽由我細個未識行路,已經帶住我去睇珠寶,不過我當時仲未有興趣。媽媽年輕時好鍾意玉石,但我完全唔鍾意,但而家會識得欣賞。

以前會覺得載假珠寶無所謂,唔鍾意又可以丟掉。但發覺真珠寶就算放五十年都無問題,例如呢隻戒指,五十年仍然咁靚,因為係真金真鑽。同時我覺得有一種古典美,現時巿面好難搵到,自己好想造呢類型戒指。小時,媽媽會教我點睇戒指,但我根本發夢,唔想聽。但正因佢經常講,即使我唔識都要迫住賞面睇吓,從中反而對珠寶認識多咗,至少基本上知道粒鑽石靚唔靚,好似藍、綠、紅寶石,或者鑽石本身有冇含量物,有冇黑點....我見坊間一啲好細粒鑽石都賣到好貴,都幾唔值。所以我哋用幾細粒碎石去鑲嵌,都會挑選最白鑽石去造。」


打開門做生意,她不諱言有些人是特登走來挑機騷擾。

「林作有段時間畀好多人指駡,然後就會鬧埋我哋。大家可能以為林作會睇到呢個帳戶留言,其實只係我睇到,所以我無理,有時候都會回覆對方。」不過裕美經林作訓練,近日已經不會啞忍吞聲,她說:「我會回敬番對方,例如話佢九唔搭八,過主啦....類似呢啲說話。我都唔會客氣,總之唔好阻住我做生意。但又咁講,畀短訊我都係好正常,只係有啲係咁啫。」
媽媽留給她的紅寶石鑽戒。
超過五十年鑽石戒指,裕美表示特別喜歡這種懷舊款式。

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所