• 【壹週和你股】水中茅台,破頂喝一口|譚朗蔚
  • 2020-09-23    

 


今早大市牛皮,睇返外圍美股連續兩日都無乜跌,市場似乎等到一個喘息的機會。當然,喘息不代表跌完,你唔好表錯情。更加不要亂撈任何已呈弱勢的股份,包括我已經唱到口臭的阿婆愛股(0005)。老實說,我覺得再花一滴口水去笑佢都無意思,不走的人依舊不走,就算在班股東傷口灑一噸鹽都無用。古語有云:「你要死,我唔通唔俾你?」

今日同大家講講隻農夫山泉(9633)基本因素其實大家都明,14億人要飲水,你市佔第一,想窮都難。不過,炒作這隻股份當然都要睇時機,並不是支水有人飲就大晒的,都要睇資金流、市場喜好同估值等等。股份這兩日炒上,無非都是炒入港股通,博大媽接貨。論內需板塊的強,論公司的質地,老實,我不可能睇得太淡的,尤其是技術配合。

股份在首日掛牌的時候,第一口價報39.80元,認識我的人都知道我最睇重的就是這一個價。如今股份沉寂了一段時間,這兩日再炒,突破了中間的36.30元橫行阻力,其實買得。如果今日一個唔該衝穿埋上市第一口價39.80元的話,上望便是破頂、無頂,讓子彈飛。依我的玩法一般一成一成地推上去,首站目標43.80元,跌穿34.30元止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

【英國香港城置業】250萬去倫敦尋寶定曼徹斯特? | 網上直播講座 | https://hk.nextmgz.com/article/2_757752_0 ">立即了解更多

----------------------------

【吼低位吸英鎊 換英國紙磚頭(REITs) 直追10%回報】蕭少滔 | 網上直播講座 | https://hk.nextmgz.com/article/2_759257_0 ">立即了解更多

----------------------------

守住新聞自由 和你撐計劃每月$300起撐《壹》仔

按此了解更多

----------------------------

壹呼百應 號召有心人 請香港人睇壹週刊

按此了解更多