• 【中環人語】富豪掀起陳皮熱
  • 2020-09-21    

 

香港嘅一線富豪,位位90歲過外,正所謂有咩好嘢未見識過呢?有位「大口」濶佬早前嘆咗一杯由嘉華主席呂志和(和哥)贈予友人嘅陳皮普洱,似乎非常潤喉十足開籠雀咁,謂和哥只會向其真正友好送贈此自家靚茶。富豪送禮都喜歡講究自家出品 ,咁收禮嘅人先至有面子嘛; 呢款陳普茶出自和哥家鄉新會江門一家老店,其陳皮使用大紅柑生曬,聽講和哥已包起此老店啲貨,真係有錢都未必飲得到。和哥及三少-呂耀華都愛陳普呢啲熟茶,見員工經常坐在寫字樓冷氣間,吸埋唔少寒氣,茶水間已不再提供綠茶,只有熟茶,以免員工越飲越寒底 。


陳皮呢味嘢,最啱容易起痰嘅「伯虎」。快將九十七歲嘅「糖王」郭鶴年,旗下嘅香格里拉酒店 ,端午節推出過 60年陳皮豆沙粽後,中秋佳節唔單止推出60年陳皮豆沙月,仲有更高檔嘅80年陳皮豆沙月,好似棋子餅咁上下size, 一盒 八件盛惠$1200,差不多$150一件 ,不過食落係有陳皮絲攝係牙罅嘅。富豪爭相搶陳皮送禮,揸住陳皮都保值㗎!

撰文:宗青華
放在香格里拉酒店大堂的月餅禮盒,最貴近一萬元,前排右二的八十年陳皮豆沙月,賣$1188,包裝彷如手飾箱。
呂志和贈予友好的陳普茶,來自其家鄉一家老店,陳皮以大紅柑曬制。

----------------------------

【英國香港城置業】250萬去倫敦尋寶定曼徹斯特? | 網上直播講座 | https://hk.nextmgz.com/article/2_757752_0 ">立即了解更多

----------------------------

【吼低位吸英鎊 換英國紙磚頭(REITs) 直追10%回報】蕭少滔 | 網上直播講座 | https://hk.nextmgz.com/article/2_759257_0 ">立即了解更多

----------------------------

守住新聞自由 和你撐計劃每月$300起撐《壹》仔

按此了解更多

----------------------------

壹呼百應 號召有心人 請香港人睇壹週刊

按此了解更多