• 【同馮盈盈割席】黐完「楷女郎」郭嘉文 「妹仔格」江嘉敏傍實高海寧
  • 2020-09-22    

 

最近在劇集《過街英雄》入面,飾演拜金女的江嘉敏,演得入型入格,演技備受讚賞。現實中,江嘉敏亦經常被指拜金,早前更被質疑借老友林凱恩過橋,結識「楷女郎」郭嘉文,繼而打入富貴圈。

原來她身邊又多了一位閨蜜,跟高海寧hightea兼shopping ,見她全程陪住高Ling揀化妝品,又主動幫對方揸機影相,盡顯「妺仔格」!跟高Ling一起的她零化妝,如果不仔細留意,還以為是她的助手!

日前,江嘉敏同高Ling 孖住行街shopping 。
日前,江嘉敏同高Ling 孖住行街shopping 。

有份上何猷亨富豪船P

今年5 月,馮盈盈被拍到出席賭王四房公子何猷亨的富豪船P,事後盈盈解畫話好姊妹江嘉敏邀請她上船,甚至有傳盈盈四圍唱江嘉敏從中收了50 萬「中間人費」。但另一邊廂,江嘉敏否認做「媒人」之餘,更在ig爆seed,指有人講大話,兩姊妹繼而反目。跟好姊妹割席,江嘉敏話咁快就搵到人補位。

向來活潑健談的江嘉敏,一向好識交朋友,最近有傳她藉《愛‧回家》的Bonnie林凱欣,成功認識「楷女郎」郭嘉文 ,一齊開生日P 。深明人脈重要,早前拍攝劇集《七公主》,江嘉敏又成功埋身高Ling!高Ling在大台深得高層樂小姐歡心,連月來有多部劇出街,名副其實是上位女一。曾經私下被樂小姐直斥「學識做人先」的江嘉敏,反省後果然變得更積極。
今年5月,因為「富豪船P 」事件,江嘉敏同馮盈盈姊妹反目。
今年5月,因為「富豪船P 」事件,江嘉敏同馮盈盈姊妹反目。
早前有拍江嘉敏借老友林愷恩過橋,結識「楷女郎」郭嘉文。
早前有拍江嘉敏借老友林愷恩過橋,結識「楷女郎」郭嘉文。

傍實高Ling行街

日前,《壹仔》發現江嘉敏孖高Ling 行街食下午茶,恃住後生有本錢,零化妝的江嘉敏,站在高Ling身邊,明顯有點憔悴。期間她更熱情地用手機幫高Ling影相,似助手多過朋友。Shopping完,沒有購物的江嘉敏,擺明陪人買嘢。
江嘉敏全程陪買,陪住高Ling 試化妝品。
江嘉敏全程陪買,陪住高Ling 試化妝品。
江嘉敏仲拎出相機,幫高Ling 影相,十足十助手一樣。
江嘉敏仲拎出相機,幫高Ling 影相,十足十助手一樣。

鍾意收禮物

加入大台3年,江嘉敏負面新聞多多。有新一代「發電機」之稱的她,前年同王浩信拍劇集《兄弟》時,被指主動搭上人夫。去年,又有傳她背住任職電競公司高層的男友Anthony,搭上男友兄弟,兩人的whatapp短訊更被公開,其中內容涉及問對方借50萬開琴行、瞞男友出埠,以及列出水蛇春長的購物清單,擺明好鍾意收禮物。不過之後獲男友力撐,並表示知道江嘉敏向來朋友多,未有影響二人感情。
去年江嘉敏被指背住男友,搭上男友兄弟,更想瞞住男友同出埠玩。
去年江嘉敏被指背住男友,搭上男友兄弟,更想瞞住男友同出埠玩。

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所