• 【壹週和你股】隻福壽園,莫非起死回生?|譚朗蔚
  • 2020-09-16    

 


今日同大家睇返隻我在8月初推過的,堪稱為「死人內房+物管」的福壽園(1448)。股份在過去一個月做了場大龍鳳,很多人都感到不是味兒,其中包括我,因為股價自8月初爆了三爆之後就日日夜夜陰乾式下跌,直頭是令我懷疑人生!最終,股份在上週返回7.27邊,即是7月底的起步點找著支持,本週迎來反彈。

其中今日的反彈比較顯著,配合住成交放量,股價亦進帳了半成。究其原因,相信是源於有大摩的報告唱好,將股份評級為增持,而目標價設於10.80,較現價約有35%的上升空間。跟開我的粉絲都知我是從來唔care大行俾咩價的,但是大摩今次是首度覆蓋這隻股份寫報告,絕對有助於提升股份在市場上的知名度。

係咁,到底接下來追揸沽的策略又是怎樣?首先,到目前依然持有的我建議繼續,就好似我的whatsapp群組(內堂)一樣。坦白講,今次我引領內堂沒有嚴格執行止蝕其實是反面教材,好唔岩,就算依家符碌俾我博到見底都是咁話架喇。不過最差的時間過了,我們都有留低,無理由食屎就肯挨,有飯食了才反而走。

反正以我自家的燈號標示股份已經轉回正向了,再持有下去,實在不需要患得患失、偷雞摸狗,儘管俾d膽去。至於之前走過的,沒有貨的粉絲們,老實講,我不建議。事實上股份的10天、20天線已經分別死亡交叉緊100同50天線,多頭排列被破壞了,我亦因此而有猶疑。目前最適宜的做法就是彈到出陰燭就走。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!

----------------------------

【亂世中 食大浪】獨家分享網上直播 | 羅家聰 - 財經評論家 | 立即了解更多