• 【《反黑》水姐入行13年終出頭】蔣家旻每提屋企人喊爆:只係想我工作順利啲
  • 2020-09-15    

 

現年30歲的蔣家旻,2007年入行,由於天生童顏,在劇集中大都扮演女主角的年青版,11年在《天與地》餘演年青佘詩曼開始為人認識。到近日出街劇集《反黑路人甲》飾演大家姐《水姐》,角色反差極大,被指有戲味人氣急升。

日前,她接受訪問表示初入行遭屋企人反對,其後完全接受。每提到父母的默默支持,她便忍不住淚流滿面。

蔣家旻早前接受訪問,每講到家人就會忍不住流眼淚。
在《天與地》中飾演佘詩曼年青版,因樣貌相似令人開始注意。
水姐一角,她說是入行以來在角色上的突破。

年青時好反叛

「佢哋支持關心方式,未必好似拍劇咁樣,唔會好肉麻,我會知道佢哋係支持既,尤其我接到一啲好角色。佢哋都係想我工作順利,只係大家唔係咁識得去表達,因為我係獨生女,所以佢哋偏向擔心我多啲。」她邊喊邊講。

蔣家旻自言年青時很反叛:「亦可以話我好知道自己想要啲乜」,縱使屋企人,她口中的老人家都希望後生仔應該「腳踏實地啲」,她也沒想過要放棄演藝事業。

其後機會越來越多,到現在角色有口啤,她覺得總算有個交代。
在《踩過界》中,她演被虐酒吧女職員,很多「遭質」場面。
蔣家旻自言怕水,拍這場戲十分有壓力。
《大太監》中,她飾演紅杏出牆已婚婦人,對手大讚她有突破。

演出胡桃夾子

蔣家旻在中學時已經參演話劇,曾被香港芭蕾舞蹈團挑選演出「胡桃夾子」,充滿演藝細胞又喜歡表演的她,最初數年都是被安排演一些「妹妹仔」角色,她自言確實有點悶。

「有時都唔知點去做,但每次都會盡力去演。」她說。至於希望演出有挑戰性角色,她表示並非為獎項,而是能希望獲得監製、觀眾認同。

她憶述在《踩過界》飾演被虐酒吧職員,本來怕水的她,其中一埸戲,卻要被對手許家傑多次暴力壓入水中,她說:「剋服咗一個好黑暗角色,算係挑戰自己成功,都幾滿意。」就因這場暴力場面,致使《反黑》監製認為她可以演繹性感水姐,十三年來的升級突破。
17歲時,她參加比賽入行。
演繹「水姐」一角,蔣家旻同樣要被「遭質」。
為宣傳新劇,唔識唱歌的蔣家旻也鼓起勇氣上目跟傳嘉莉合唱,結果被網民指「難得唱得差過原唱者」。

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所