• 【愛回家秦博思】33歲馬貫東被指大台軟飯王 衫褲鞋襪卡數旅行靠女友全包
  • 2020-09-13    

  • 【愛回家秦博思】33歲馬貫東被指大台軟飯王 衫褲鞋襪卡數旅行靠女友全包

 

專媾有錢女

33歲馬貫東,喺大台劇中多數飾演乖仔、暖男角色,幾有觀眾緣,所以近年亦有上位跡象,開始躋身男二之列。

不過,今日有報導指佢其實係「軟飯王」,專搵有錢女拍拖,前度Queenie Kwok係,現任Christy So都係,二人更準備築愛巢同居。

馬貫東。
馬貫東。

前度包辦所有使費

據報有讀者向《蘋果》爆料,指馬貫東前度Queenie Kwok係英國大學畢業返港,二人經朋友介紹認識並相戀。Queenie屋企做海鮮批發,老竇仲疑似係政協身份。

拍拖期間,Queenie幾乎包起晒馬貫東所有使費,唔單只衫褲鞋襪出街飯錢,就連卡數,以至去旅行坐business、住酒店,通通都係Queenie埋單。

有傳馬貫東家境一般,喺大台捱足13年,曾經窮到戶口只剩幾蚊存款,所以搵到個有米又肯使喺佢身上嘅女友,執到。但,馬貫東難得近年氹得掂大台高層,有上位機會,所以拍拖事收得好埋,仲千叮萬囑Queenie唔可以公開關係,就連Queenie約好晒《開心速遞》一班藝員幫馬貫東慶祝生日,事後Queenie post出小鳥依「馬」合照,但馬貫東post嘅相就無女友Queenie份。

至於二人最後分手,《蘋果》報導指係去年中嘅事,因為女方父母反對。
前度Queenie Kwok。
前度Queenie Kwok。
有指Queenie屋企做海鮮批發,老竇仲疑似係政協身份。
有指Queenie屋企做海鮮批發,老竇仲疑似係政協身份。
二人去年中因家人反對分手。
二人去年中因家人反對分手。

否認現任係富家女

馬貫東現任女友係Christy So,馬貫東亦直認二人開始拍拖無耐,但就否認女方係有錢女。不過,從Christy客廳大過一般港人成間屋嘅相嚟睇,唔嘢少,難怪咁快就有本事傳同居。

雖然馬貫東貫徹戀情低調做法,IG一張女友嘅相都無,但就充斥住唔少貓貓相。而Christy So亦是愛貓之人,只要認一認貓,就會發現二人關係匪淺。唔知係咪同樣受到馬貫東叮囑唔好公關戀情,Christy嘅IG一樣無二人合照,但唔難發現,Christy嘅相片、留言中,周不時都會使用「馬」嘅圖案,係個幾明示嘅暗示。

順帶一提,聽聞馬貫東女友Christy嘅前度,就係《反黑路人甲》入面嘅陸秋朱敏瀚。喺電視城返工,撞見「好兄弟」嘅機率唔細。
現任女友Christy So。
現任女友Christy So。
Christy嘅相及留言,不時會有「馬」的圖案。
Christy嘅相及留言,不時會有「馬」的圖案。
據說朱敏瀚是Christy的前男友。
據說朱敏瀚是Christy的前男友。

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!