• 【唔似黃心穎爛蒲又拜金】湯洛雯拍拖顧埋馬明媽 馬國明揸女友住戶證自由出入
  • 2020-09-15    

 

46 歲的馬國明同33歲的湯洛雯公開認愛後,贏得全城祝福。拍拖未夠一年,已經開始被催婚。二人更時不時在ig 甜蜜放閃,熱戀中的情侶,真係見少一面都唔得!

日前,《壹仔》發現馬明現身靚湯位於紅磡寓所。一泊低車,馬明就「自動波」從銀包取出住戶證,拍咭入大廈門口,十足男主人一樣。另一日,又輪到靚湯在馬明太古城寓所出現,拍拖鍾意「宅」在家,陪住伯母,完全符合阿媽大過天的馬明要求。

否認同居

上年4 月,黃心穎被爆勾引人夫許志安,馬國明經歷「男人最痛」,即時狠飛出軌女友。「鑽石筍盤」重新上市,冇耐就戀上前度個老友靚湯。二人被踢爆約會之後,秒速認愛,且一早融入雙方家庭,不時在對方屋企過夜見埋家長。被問到雙方家長是否滿意?馬明笑笑口咁話:「唔知呀!哈哈!」至於是否已升級到同居關係,馬明就斬釘截鐵:「梗係唔係啦!」
日前,馬明現身靚湯位於紅磡的寓所,被問到是否同居,馬明表示:「梗係唔係啦!」
一到步,馬明拎出住戶證拍卡入門口,十足十男主人一樣。

「宅」家情侶

貴爲大台當家小生,馬明一直劇接劇,拍完《BB 大晒》,又接住開拍《兒科醫生》。雖然忙到無覺瞓,但話晒熱戀期,幾忙都要爭取時間,同女友見面!眾所周知,馬明是一名超級「宅男」,而靚湯又自封「全TVB最宅」。根據《壹仔》的觀察,二人拍拖的地方,果然離唔開「宅」喺屋企!
另一日,輪到靚湯現身馬明太古城寓所。

出名孝順

日前,《壹仔》兩度發現靚湯從男友馬明的太古城寓所離開,之後馬明就做柴可夫,送女友返歸。不過出名孝順的馬明,並冇因為拍拖,而冷落媽咪。連日來,《壹仔》都見到馬明陪住媽咪到商場入貨,主要買外賣同日用品。且全程馬明都是拖實媽咪行,被封孝順仔,果然非浪得虛名!準備過馬路,馬明尤其緊張四圍望,確保安全後,才拖實媽咪橫過。深知男友一向顧家,凡事都以媽咪為重,靚湯冇詐型之餘,仲時不時都上門拜會Auntie,唔介意拍拖過三人世界。咁識做,難怪話咁快就深得「未來奶奶」歡心!
出名孝順的馬明,去街必定拖實媽咪。

慳家討馬明媽歡心

一向畀人印象是乖乖女的靚湯,平日貼地又慳家,從來唔追求名牌,起碼唔會有名牌衫一款掃幾色的奢侈舉動,剩係呢一點,已經同馬明前度好大分別!想當年,馬明同黃心穎拍拖時,經常要進貢名牌包包,食飯又要去最高級的餐廳。相反,靚湯就簡單得多!平時鍾意在家玩煮飯仔、煲下㓺就滿足。



唔追求物質享受,靚湯仲識得買磚頭保值,上年年尾,以4581 萬買入馬鞍馬雲海別墅,超過2000 呎單位,連花園、車位。唔夠一年,單位已經升價至4800 萬,帳面有斬獲!慳家又識投資!最重要勝在夠純夠專一,馬明媽呢杯新抱茶,真係飲得杯落喇!
以往同黃心穎拍拖,馬明時不時就要進攻名牌包包,配合女友的虛榮心。
靚湯一向俾人乖乖女印象,平日貼地又慳家,所以深得馬明媽歡心。

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所