• 【唔只卓琳一粒女?】46歲吳綺莉農曆七月做法事 自爆:我女兒有很多兄弟姊妹
  • 2020-09-12    

 

46歲嘅吳綺莉,疑似自爆唔只吳卓琳一粒女!

事關適逢農曆七月鬼門關開,吳綺莉近日突然喺社交網站上傳一張「附薦」嘅相片,而吳綺莉嘅「附薦」上,清楚寫明吳卓琳薦予「故兄、弟、姐、妹」。

(咩係「附薦」?簡單講即係喺盂蘭節時一種超度法事,係俾亡靈附到「附薦」紙上,然後受供、聽經。)

此外,吳綺莉亦留言:「我想除了我的孩子,走了的兄弟姊妹們應該也不小,保佑每一個靈魂。感恩每一天。感謝天父、感恩每一天。」

網民睇到之後,以為「附薦」上嘅「兄、弟、姐、妹」係吳綺莉親友。點知,吳綺莉解釋話:「說錯了,不是我,是我女兒有很多兄弟姊妹,農曆七月請個安。」

吓!吳綺莉應該只得吳卓琳一粒女,而吳卓琳應該亦只得房祖名呢個同父異母哥哥。咁嘅情況下,吳綺莉忽然話「我女兒有很多兄弟姊妹」,背後嘅真相,真係好耐人尋味。

不過,吳綺莉之後刪咗Post,回覆傳媒時亦只說:「冇嘢。」

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!