• 【藍絲嗌罷睇】《愛‧回家》驚現「五大訴求」抗爭手勢 大台「外交部」上身:有心人刻意破壞
  • 2020-09-10    

  • 【藍絲嗌罷睇】《愛‧回家》驚現「五大訴求」抗爭手勢   大台「外交部」上身:有心人刻意破壞

 

去年反修例運動中,「五大訴求、缺一不可」被視為抗爭主要標語,現在國安法之下,更有可能變成八字禁言!而向來被視為CCTVB的無綫,日前其處境劇《愛‧回家之開心速遞》中,竟然出現以黃色手套擺成「5+1」的抗爭手勢,不但令大台高層震怒,更令不少藍絲揚言要罷睇該劇集。

昨晚(9日)播出的一集《愛》中,講述「根叔」劉丹帶領熊家上下,收拾辦公室搞大清潔,各人齊齊戴上黃色膠手套進行清潔,當中一幕眾人在辦公室休息時,在畫面當眼處其中兩隻膠手套,赫然出現「5+1」手勢,持續近十多秒時間,被網民質疑是暗示「五大訴求、缺一不可」。

事件在網上高速發酵,藍絲陣營對事件更加「怒不可遏」,紛紛留言:「連愛回家都罷睇」、「曱甴仔就係鍾意做埋啲小動作」、「全面追究幕後犯罪曱甴恐怖分子,今次嘅罪行十分嚴重,非常離譜,經過細心策劃嘅嚴重暴行,對香港娛樂圈影響極深遠。必須嚴懲!!!!!!!」。

無綫亦火速發表聲明表態,「已經睇過昨晚播出片段,該場面確實已播咗出街,究竟係有心定係巧合,在公司來講巧合嘅機會比較細,相信係有心人刻意做出破壞情況出嚟,公司會嚴肅了解事件,搵出呢啲故意製造破壞嘅人,無綫絕對不能接受亦不能容忍類似事件發生,由於事件牽涉太多人,要搵出涉事者唔容易,但都係必須去做嘅事。」語氣似足強國外交部,認真同聲同氣。

昨晚播出的《愛‧回家》中,畫面右方的黃色手套,出現疑似「五大訴求」的抗爭手勢。
昨晚播出的《愛‧回家》中,畫面右方的黃色手套,出現疑似「五大訴求」的抗爭手勢。
連手套都要黃色。
連手套都要黃色。

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!