• 【女神情路重創|被狠飛4次】有米簡淑兒同前度分手一年翻撻:大家都掛住,咪再試多次囉!
  • 2020-09-11    

 

有「心心眼女神」之稱的簡淑兒(Jessica),終於有著落喇!日前,《壹仔》發現她孖住男友拍拖、買餸、玩煮飯仔,其間更手拖手,女神全面被私有化。事後記者追問Jessica戀情,她大方承認:「哈哈哈⋯⋯之前分開過,而家復合番囉!一齊返唔係好耐,個幾兩個月。」



不過,女神曾經自爆拍過4次拖,更試過遇上一腳踏三船的「渣男」,弄得情緒低落要睇醫生。至於現在翻撻的男友,Jessica 強調當初分開不涉及第三者。她表示:「之前分開一定有原因嘅!但係一齊返都有原因嘅,佢唔係出軌嗰啲嚟嘅,之前分開係因為大家性格唔夾,咁分開咗一年之後,其實大家都變咗好多。」

落選港姐轉戰樂壇

一向baby face的簡淑兒 ,其實已經31 歲,入行足足8年。當年曾參選港姐,不過16強止步。15 年殺入樂壇,是女子組合「少女標本」其中成員。唱歌事業冇起色,17年,Jessica 終於等到機會參演長壽劇《愛回家•八時入席》。憑住一對月亮眼,配埋童顏臉,成功俘虜一班高登仔搭糖,封為「仙氣女神」。



講到女神的戀情,當然備受關注!不過,Jessica 每次都好口密,堅稱自己未有著落,更說自己年紀唔細,經常被家人催拍拖、結婚。但紙係包唔住火,今次終於俾《壹仔》斷正喇!
12 年,簡淑兒陳參選港姐,不過在十六強止步。
12 年,簡淑兒陳參選港姐,不過在十六強止步。
 Jessica 曾是女子組合「少女標本」其中一個成員。
Jessica 曾是女子組合「少女標本」其中一個成員。
 17 年,Jessica 參演處境劇《愛回家·八時入席》,成功入屋。
17 年,Jessica 參演處境劇《愛回家·八時入席》,成功入屋。

拖手行超市

日前素颜的Jessica 戴住情侶布口罩,孖住男朋友行超市。現場所見,她們主要買食材,似乎準備返歸玩煮飯仔。而Jessica 的男友全程都好有風度,一直負責推住購物車。沿路二人不時手拖手,有講有笑。買完食材,再去買蛋糕,之後二人拎住戰利品,齊齊攞車返歸。
 日前,Jessica 孖住男友去超市入貨。
日前,Jessica 孖住男友去超市入貨。
 沿路一直手拖手,有講有笑。
沿路一直手拖手,有講有笑。
 二人主要買新鮮食材,似乎準備返歸玩煮飯仔。
二人主要買新鮮食材,似乎準備返歸玩煮飯仔。

仍處於觀察期

雖然同男友經歷過離合,不過仙氣女神對呢段復合感情,仍然有保留,她說:「大家又未係話好穩定,所以盡量都係少講啲囉!但畀你地真係見到、影到,都唔否認,咁我真係拍緊拖嘅!」雖與前度成功翻撻,但仍處於觀察期,愛得小心,相信跟之前連番受情傷有關。勿以為人見人愛的仙氣女神,一定是情場贏家,事實是Jessica在四次拍拖經驗中,均是被飛的一方!其中一位前度因一腳搭三船,令Jessica情緒崩潰,晚晚失眠要睇醫生,認真傷到爆。

前度一腳踏三船

情路上有過慘痛經歷,Jessica 今次再情歸前度,對方雖然細她一年,但Jessica 都大讚男友處事成熟。她說:「佢都Ok 嘅!唔係小朋友囉!分開咗一年,咁大家都成熟咗,又經歷咗一啲嘢,發覺大家都係掛住嘅,咁咪再試多次睇吓得唔得囉!」

有個富爸爸

至於事業,入行8 年的Jessica ,上年終於得到大台賞識,簽約做親生女。憑住親切的形象,更深得監製歡心,Keep 住有劇拍。「而家拍緊一套叫《智能愛人》嘅劇,遲啲又會開另一部劇。希望係劇接劇,咁我地呢行都keep 住有野做。」其實Jessica 是大台禾稈冚珍珠之一,背後有個富爸爸支持,生活無憂。有指她家族經營珠寶生意,傳Jessica與家姐同住九龍站凱旋門豪宅。不過Jessica 強調父親經營的只是小生意,況且父母已經在美國過半退休生活,故想保持低調喎!
 憑着一張BabyFace和腰果眼,Jessica 被高登仔封為「仙氣女神」。
憑着一張BabyFace和腰果眼,Jessica 被高登仔封為「仙氣女神」。

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!