【放寬限聚令｜卡拉OK繼續停】羅傑承鬧爆　梁芷珊撐前夫：高官政策係用咩標準？

【放寬限聚令｜卡拉OK繼續停】羅傑承鬧爆
梁芷珊撐前夫：高官政策係用咩標準？
2020-09-10

近期武漢肺炎確診人數大幅回落，政府亦逐步放寬防疫措施，除足球場及籃球場外，所有室內外運動場將於明天（9月11日）可重開，限聚令亦由二人改為四人，食肆每枱人數也放寬至四位，不過酒吧、卡拉OK等場所仍然需要關閉。

「Red MR」卡拉OK的母公司主席羅傑承，日前接受訪問時，諷刺高官「10年無唱過K唔知環境」、「政府高層對卡拉OK想像停留在90年代」，前妻梁芷珊對政府決定亦覺無理，她在社交平台發文力撐前夫：「其實我都唔明喎‧‧‧卡拉OK房，咪已經將人分開一組組囉，限4人一房，一定已經隔開1.5米啦，距離多過餐廳嘅枱，咁點解卡拉OK唔開得？」

梁芷珊更提供解決方法，「如果話驚共用Mic易感染，可以限一人一Mic，卡拉OK一定會配合，高官制定政策係用咩標準？」網民更明寸一眾高官：「停留喺茶舞時代」、「成班離地所謂高官，根本唔明基層生活」。

02年，梁芷珊與羅傑承結婚，其後協助羅傑承的足球隊處理公關工作，08年梁芷珊更成立天水圍飛馬足球會，可惜二人於17年離婚。不過呢對過氣夫妻依然「夫鬧婦隨」，果然再見亦是朋友。