• 【壹週和你股】南航南航,受惠油價big降|譚朗蔚
  • 2020-09-09    

 


隔夜科技股跌到一仆一碌,估唔到美國佬停賽完一晚返來,不單只無冷靜到,還繼續係咁激。有人問我:納指係咪死得?我繼續同佢講要關注「納指七雄」:FAANG+微軟+特斯拉。我發現:包括指數以至到FAANG都暫時未死,只是向下測試50天線,而這條均線最好唔好失,因為上一次失的時候是3月,大家知咩事。至於微軟、特斯拉呢?微軟已經失咗,特斯拉尋晚掂住。

因此我繼續避開科技股。不過講時講,上期同大家推介的一隻亞信科技(1675),我都有少少懷疑佢係咪科技股黎,哈哈,人地ATMX、微盟(2013)下下半成咁跌,亞信(1675)卻是連日硬撐,今日仲有得升,真係有夠蠱惑!今日同大家推介一隻真係舊經濟股,就是南方航空(1055)。眾所週知,都是炒疫情受控、經濟重啟、旅遊復甦這些故事,但點解另外兩隻唔揀要揀這隻呢?

原因好簡單:圖。你知我最鍾意圖,講技術走勢。如果你近視、鍾意睇短線,其實三隻中資航空股走勢一樣,都是均線排靚,開展了初步多頭。但如果你睇長線一點,例如開一個三、五年圖,你便會發現只有南航已經收復了2018年的底,東航(670)就未,國航(753)更加唔洗講野。今日,民航局話國內每日航班升降已經收復到疫前的九成,加上隔夜的油價大跌,萬事俱備!

買入:現價

目標:5.30

止蝕:4.10

壹會員投資疑難解答

70歲婆婆張小姐問:好多年前睇蘋果推薦買入中譽集團(985),在0.076元買入800,000股 現價0.026元,有股票行以0.028元收購,這樣收購係咪有咩行動?想問下Stevan賣定守,謝謝

Stevan回答:股份無論是市值、交投都是低無可低,已經是無人問津的地步,你就算再等下去,都不會有好結果。因為這樣的規模不會有投資者買,更擔心的是為莊家操縱,長遠持有,只會血本無歸。我建議你理性去應對,股份在現價橫行一年,不是話保證唔升,但你已經浪費了很多捕捉其他正路好股的機會了。現價隨時走得,向前看;拿回本金,重新出發!

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!

----------------------------

【亂世中 食大浪】獨家分享網上直播 | 羅家聰 - 財經評論家 | 立即了解更多