• 【以為巴黎求婚好浪漫】46歲森美將積蓄畀曬老婆:可能咁先係最浪漫
  • 2020-09-06    

 

現年46歲的森美,近期愛上玩電單車,又會跟大隻好友張繼聰開電單車周圍遊,享受男人的浪漫。至於跟太太陳雅嫻的浪漫,森美以為當年在巴黎求婚,算係男人最浪漫舉動,誰不知兩人為嗌蝸牛的法文正確發音,差啲弄致分手。

兩人在2000年結婚,育有一女一子,數年前安排兒子到英國讀書,森美自言要努力搵銀養家。勤力如牛的森美,不單在電台開咪,更在大台做主持,最近推出劇集《過街英雄》更有機會擔正做男一。

森美在新劇中,跟黃翠如飾演一對鬥氣寃家。
森美近日棄駕私家車改駕電單車出入。

有名有利,不過森美對太太更加愛惜,出名「愛妻號」的他,真係愛到不分你我。他早前在訪問中講到,每次出糧就會交畀太太,因為自己對錢冇概念,又謂男人有錢就身痕,這亦應該是最好理財方法,他甚至早已將積蓄畀曬太太。

對於成副身家畀曬另一半,森美更幽自己一默:「可能佢覺得咁係最浪漫。」
張繼聰是森美玩電單車其中一個「伴」,兩人全副武裝上陣,好睇得。
兩人經常將甫士相上載社交平台。

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!