• 【上年尾孻女寓所墮斃】張華峰夫婦疫情放緩 孖公仔外出拍拖
  • 2020-09-12    

 

武漢肺炎疫情放緩,張華峰夫婦都把握機會孖公仔出街拍拖。正常人喺屋企吽得耐都唔掂啦,何況佢哋孻女寓所輕生一事只不過大半年時間,日夜都喺屋企觸景傷情,一般人好易諗埋一邊做傻事㗎嘛!出街當散心囉。

張氏夫婦拍拖。
張氏夫婦拍拖。
張華峰冇因屋企傷心事消瘦。
張華峰冇因屋企傷心事消瘦。

KEEP住肚滿腸肥

不過大家同張華峰定,睇佢呢日出街嘅款,仍然係名符其實「肥老闆」,二百幾磅、五十幾吋腰,真正嘅肚滿腸肥,屋企啲傷心事冇令佢變得消瘦。

至於張太,身形一向keep得唔差,再經過一番打扮,set好晒髮先出街,睇嚟心情應該平復唔少。

佢哋嚟個夫唱婦隨,張太推住購物車默默跟喺老公身後shopping。行到家品店,估唔到張華峰對個姣屍燉篤粉紅色雪櫃有興趣,同佢一啲都唔襯。
張太外出悉心打扮過,成條「彩虹」著上身。
張太外出悉心打扮過,成條「彩虹」著上身。
張太就咁睇,KEEP得幾好。BTW,驚大家撈亂,後面遠處那位先係張太。
張太就咁睇,KEEP得幾好。BTW,驚大家撈亂,後面遠處那位先係張太。

幾重標準回帶

其實,68歲張華峰身負好多重要職務:全國政協委員、監警會副主席、經民聯副主席、香港福建社團聯會永遠名譽會長等等等等,齋響朵都水蛇春咁長,大把嘢等住佢做,應該可以寄情工作忘記傷痛。

話晒而家咁嘅時勢,國家同港府好需要佢呢挺人出嚟護航護駕,過往大把例子啦:2019年8月,張華峰喺電台節目表示贊成警員唔展示編號,話可令警員執法無後顧之憂;同年11月,民主派立法會議員喺立法會內會開始時,為將軍澳尚德停車場墮樓傷重不治嘅周梓樂站立默哀,佢立即離席。22歲學生哥嚟啫,而且人都「走」埋,唔使咁嘅!

事隔一個月,12月26日,佢孻女喺半山區世紀大廈寓所墮樓亡,同樣終年22歲,據知受躁鬱症困擾兩年。

Anyway,傷心事過咗去,張華峰繼續工作:2020年4月,陳志全立法會追問「福建幫」北角打人事件,佢就批評有省份歧視,「開口埋口福建人打人」;同年8月,壹傳媒股價波動,佢就促請監管機構嚴肅跟進以保障股東知情權與利益。

佢把尺標準真係難捉摸呀!難怪呢位立法會議員,連「丁蟹」同「丁蟹效應」都唔識咁離地咁離譜,一樣可以代表金融服務界啦!咦,林鄭都話自己「唔算好懂得政治」㗎喎。

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!