• 【壹週和你股】中教(839)死唔去,並唔係僥倖?|譚朗蔚
  • 2020-09-02    

 


今日同上集一樣,無新推介,但就會同大家跟進一下一隻以前推過的股份:中教控股(0839)。股份今日跌呀,不過不是跌好多,只不過佢的同業就跌好多呢,跌到天崩地裂一樣。你看睿見(6068),還有天立(1773)和楓葉(1317),隻隻兩成呀!

究其原因,當然是行業出了事啦!話說教育部等五個部門印發了《關於進一步加強和規範教育收費管理的意見》通知,指出當局將嚴禁非營利性民辦學校團體通過關聯交易獲取辦學利益。有關的政策專門針對K12的教育,但就不是直指高等教育的。

中教做的是高等教育同職業培訓,因此唔跌死係正常的,不過都會受氣氛的少少影響。如果你問我,那政策今日唔算到你的頭上,他日會不會連高等教育和職業培訓都要管?正路是這樣想:中、小學教育是民生、必須品,專上院校應該無理由管喎。

因此,我會建議大家用平常心來看待這件事。例如股份今早一度挨沽低見過14.42元然後拗腰,短線而言,10天和20天線失守,15.22元的前橫行區頂部、突破位都失了,短炒的話就要考慮止蝕。至於長揸的呢,均線的多頭排列依然健在,唔死得。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!

----------------------------

【亂世中 食大浪】獨家分享網上直播 | 羅家聰 - 財經評論家 | 立即了解更多