• 【肚凸傳再有孕】張栢芝鬆身衫抱仔出動 拍片回應有孕傳聞:一定冇,將來亦唔會有,唔生!
  • 2020-08-31    

 


已是三子之母的張栢芝,繼18年被爆她低調誕下幼子Marcus,而跟兩哥哥是同母異父的Marcus,是跟母姓叫張禮承後,近日她又被網民發現她肚凸凸,即引起外界懷疑張栢芝又秘密懷孕,紛紛在她ig留言問是否再有喜!當時栢芝沒有回應,並即刪掉留言功能,令四度有喜傳得塵囂甚上。

日前她在ig分享一條片,肚凸凸即惹網民猜疑又有喜,當刻她又沒即時澄清,還刪掉留言功能,行徑古怪。

今日網民關心的問題,謎底終於解開,栢芝帶住一歲多的幼子Marcus及胞弟豪龍出動去玩具店及超市掃貨,身穿一條鬆身連身褲,沒像平日一騷產後極速修身回復纖腰的本錢。不過掃貨期間,她帶上腰間孭帶,讓幼子坐在其上,雖然全程坐唔定的Marcus,根本由媽咪抱起多個坐在孭帶上,但栢芝此舉,相信就是要證明,她並沒傳聞中四度懷孕。
栢芝出動,胞弟豪龍永遠奉命幫手湊仔。
被傳肚凸疑再懷孕,張栢芝今日即以行動證明。中午帶著幼子外出,還在腰間加孭帶箍肚,澄清她不是孕婦。
一歲多的幼子非常好動,有孭帶唔坐,周身郁。
對比之前修身成功愛露小蠻腰,栢芝忽然肚凸,又想係難免令人聯想她又秘密懷孕。

之後她對現場記者追問是否有孕沒有即時回應,反而選擇在車上拍片放ig澄清,她說:「今日8月31日,十二時許諗住去大埔商場買少少玩具及超市買食物,突然有四個記者上前拍攝……我個仔又重,好狼狽…..一路影到上車,不過佢哋都好有禮貌,影冇所謂,唔好嚇親小朋友就可以。」

終於講到重點,栢芝說:「差啲忘記講重點,佢哋問:『柏芝有傳你有咗!』其實咁樣問,用呢個『傳』字,即係唔係真,而且一影就知,所謂傳有咗,如果真係個肚凸,根本冇可能用到咁大條腰帶包住條腰,仲要抱住咁重嘅仔,基本上孕婦唔會咁做,所以有冇bb,剛才因為好狼狽我冇答,依家在ig答,肯定係冇,一定係冇,將來亦唔會有,因為真係夠,唔生。」栢芝斬釘截鐵,講到明肚皮收工,咁即係網民諗多咗啫!三個夠晒數嘅佢,應該唔會俾「意外」發生。

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!