• 【壹週和你股】呃錢死全家!|譚朗蔚
  • 2020-08-31    

 


各位見到我今日這幅配圖,都知道我對恆益控股(1894)這一隻股份有幾憤恨!微信女、WhatsApp Sir派冧把、炕死人一類的惡名昭彰已經不是新聞了,但是人類總是……總是有一些人永遠不看電視、不看報紙,只是看到別人誇下海口,話幾多日賺幾多成就迷頭迷腦,仆到入去,最終搞到頭崩額裂!

各位,請原諒我今日無咩新冧把要派,事實上,有好多人就是贏就贏少少,輸就輸多多。所以,與其派一個冧把,不如讓我不厭其煩地寫多次,確保下一個的受害不是你!如果大家有留意開我的fb,事件大約在發生在8月12日,從有人勾搭我開始,到今日,隻股份爆鑊急跌近九成,騙局徹底披露!

好多人不明白,騙徒為甚麼要咁做?跌,對佢地有甚麼得益?上市公司自己是否參與其中?暴跌後好唔好買入?這一類的問題,現在一一解答:一、騙徒贏錢不是在於股價急跌,當然,佢在高位散貨給你地的話,對佢都有著數;其實,佢地是按照佢地成功呃到你買幾多股份來向莊家領取獎金的就真。

二、上市公司未必有份,我說未必,其實亦即係不排除,只是未必一定;股份衰就衰在市值低,交投少,容易被人掌控,繼而操弄。市場實在有太多的股份淪為了「殼」,但並不代表佢地的公司無實務,只是佢地揸得個「殼」唔緊,被人家有機可乘,佢地隻眼開隻眼閉,結果令公司的聲譽同歸於盡。

三、暴跌後當然不建議買入,原因是:你不知道往後還會唔會跌,所說的「往後」不一定是未來一、兩天,而是未來任何一天,當你以為跌完九成不會再跌的話,請你睇一睇年年卡(3773),三個月爆跌三次!好人唔會咁跌,咁跌的就唔係好人。富貴並唔需要險中求,最緊要係唔好輸到返唔到轉頭。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!