• 【2020港姐│肥媽提名中咗】何君堯姪仔女友5強out 混血靚女謝嘉怡奪冠
  • 2020-08-31    

 

《2020香港小姐競選》在疫情下,由唔搞又搞,網上搞到現場進行,幾經辛苦三甲誕生。全晚節目無乜驚喜就梗,但悶中幸有今屆冠軍,由肥媽(Maria Cordero)提名,爸爸是港人,媽媽是蘇格蘭人的混血佳麗謝嘉怡,以唔咸唔淡的廣東話,帶畀觀眾一啲笑聲,否則現場觀眾可能已經做晒睡寶寶!

大會司儀是鄭裕玲、麥美恩、陸浩明、林溥來,十位候選港姐佳麗逐一接受司儀問答題,再逐一作才藝表演、泳裝示人後角逐今年香港小姐的冠、亞、季軍,年年形式如是。

5號的鄺美璇先拔頭籌得到「友誼小姐」,而「最上鏡小姐」則由8號大熱混血佳麗謝嘉怡得到,並由上屆亞軍及「最上鏡小姐」王菲頒獎。頒完「最上鏡小姐」後,便宣布入圍5強佳麗,包括2號陳楨怡、3號何孟珊 、4號郭柏妍、5鄺美璇、8號謝嘉怡。

賽前大熱之一的廖慧儀早前除被爆腰間位置有紋身外,又與網民罵戰,未知是否太多負面新聞影響下,結果5強不入。

至於何君堯姪仔女友,10號黃婉恩,同樣5強止步,咁冇評判同觀眾緣,究竟跟男友阿叔有冇關係?不過若當選三甲,睇怕現場可能「妖」聲四起!

大會安排入圍5強輪流作真情告白,之後便宣布賽果,結果由謝嘉怡奪冠,亞軍是陳楨怡,季軍是郭柏妍。見自己提名的世姪女當選冠軍,肥媽話:「Lisa好叻女,因為佢參選時,我老公身體唔舒服,之後肺炎入院我忙住照顧,根本無乜幫到佢,佢當選全靠自己。」

----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!