• 【壹週和你股】華潤水泥(1313)係好勁嘅嘢嚟!|譚朗蔚
  • 2020-08-26    

 


過了兩日,恒指依然困死在25,000點至25,500點之間的水平,外圍的氣氛雖然不差,人民幣(CNH)亦企穩了6.90的高水平,但大市始終未能展開一個像樣的普漲行情。這樣說吧,恒指我是看25,500點企穩之後睇26,500點的,亦即是差不多7月初的頂部,但是靠邊一隻藍籌去撐呢?我仲諗緊。

騰訊(700)?特朗普放軟手腳的話,托科網股輪流破頂的鴻福,可以。友邦(1299)?這個我一直比較質疑,但是近日我卻開始逐步關注,始終澳門通關炒上了賭業,本港通關應該炒上零售、旅遊同金融等。自由行旅客來港購買保單,大陸條水,一通就掂,其實這隻可能是受惠通關的黑馬股。

不過,我今日唔係講呢d。繼續是舊經濟,仲有疫後、災後重建的概念:就是華潤水泥(1313)。集團日前發布了最新一季的業績,期內收入微跌3%至168億元人民幣,純利增11.3%至41億,而毛利率提升1.3個百分點。業績後,麥格理、匯豐、野村全部大合奏,上調股份的目標價至13.6元。

綜觀眼下龍頭的水泥股:海螺(914)困死在60蚊大關,佢唔上,我真係唔敢上;無計丫,我個人怕悶架。中國建材(3323),其實最先行的應該係佢,不過是炒重組;我最怕就是股份升本業增長以外的因素的,好虛。所以潤泥就正喇,破頂、無頂。現價買入,13.60元做目標,10.50元做止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!