• 【壹週和你股】個市跌五舊佢都企到 先健科技(1302)值得翻兜|譚朗蔚
  • 2020-08-20    

 


今日,恒指半晝跌500點,自低開120點左右之後開出400點的大陰燭,又一次過跌穿了10天、20天、50天的均線,看起來很弱,其實只不過繼續橫行在一個狹窄的區間,即24500至25500點之間,方向未明的日子,拿住指數來操作的話,真是運吉!

至於股份,騰訊(700)失守了513蚊的大位幾日,其餘藍籌都唔好得幾多。好似舜宇(2382)咁,連跌了兩日之後反彈,但是仍然未能收復返129蚊的雙頂頸線,難言見底,有貨的都要走;同樣是雙頂穿頸線的還有吉利(175),友邦(1299)都好核突。

眼下沒有邊一個板塊整體強,至好的都係唔郁,輸少陣都當贏,好難玩。我同粉絲個倉,有一隻股份仲值得講,就是先健(1302)。隻股先前我推介過、食過,依家翻兜,主要是看好佢在先前回調到6月底的橫行區企穩回升,8月13日放量開了一支陽燭。

該股在近幾日牛皮,未有大升,但是就日日都守穩陽燭頂,對比起今日個市大跌,其實算好硬淨。集團作為有領導低位的醫療器械股,目前市盈率70倍,肯定不高。能夠在高位完成整固再起浪的話,後市不排除會破頂。現價買入,目標2.71,止蝕2.25。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

【第四季砌出一個增長15%的「組合」】壹齊分享網上直播

譚朗蔚Stevan x 黃偉豪Ravi | 立即了解更多

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!