• 【壹週和你股】中信建投(6066)叫緊三、四飛|譚朗蔚
  • 2020-08-17    

 


上星期五,市場上最大、最多人關注的新聞是恆指季檢,其中大熱的美團(3690)要倒灶,阿里巴巴(9988)則一如預期,坐定粒六;至於小米(1810)同藥明(2269),要算是黑馬、爆冷吧?不過,我常說入唔入指數、甚至是出指數都好,根本不會對一隻股份的走勢帶來太大的影響:強勢始終會是強勢,相反亦然;本來強的美團,不會因為落選而爆跌;本來牛皮的巴巴,亦不見得會因為入選而發難。為甚麼呢?被動的追蹤基金在主動基金的買盤面前,算老幾?

意外入選的小米升超過半成,大家很想要吧?說真的,佢都是一直持續在強的股份,你鍾意就攞去。但是我唔恨,為甚麼?因為我的倉內有一隻今日爆贏佢,或者話起碼叮噹馬頭的股份,就是中信建投(6066)。我追捧舊經濟,看好A股隨人民幣企穩轉強,一直都叫大家配置。內地創業板持續改革,股票、債券融資都需要包銷,而中投就在當中分最大杯羹。還未計及那時不時憧憬的合併,且股份又有盈喜。數數埋埋,叫緊三四飛。股份起動現價好入,目標價14元,止蝕11元。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

【第四季砌出一個增長15%的「組合」】壹齊分享網上直播

譚朗蔚Stevan x 黃偉豪Ravi | 立即了解更多

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!