• 【老婆患血癌】尹天照停工照顧零收入 靠信仰重生:唯一出路就係靠耶穌
  • 2020-08-12    

 

做演員要有火

55歲尹天照日前應苑瓊丹邀請,接受香港開電視節目《開工大吉77》訪問,苑仔重提尹天照當年在片場「發脾氣」一事,尹天照指無反悔當年的決定,「當年試過一次拍戲,剛剛先拍完第一Take,點知個助導走埋嚟第二稿、第三稿,我心諗我做畀你!我將每一稿嘅優點溝埋演畀你,但最終啲人都同你玩反面。其實呢啲嘢冇啱定錯,我冇後悔過。作為一個演員,如果冇火嗰角色唔會好睇,但係火得滯可能會影響其他人,點樣火點樣拿捏就要靠時間。」



被苑仔稱為一哥的尹天照,11年離開亞視,「決定離開都冇話啱定錯,就當你鋪排得好好,依家又會點?依家間電視台都唔喺度啦。」尹天照坦言之後都有其他電視台接洽,不過制度令他放棄簽約,「初步傾都知自由度有問題,算啦都過咗去。」

類風濕雙重打擊

10年,尹天照太太不幸患上血癌,而他亦出現類風濕痛症,雙重打擊下,尹天照不能工作近乎零收入,接近崩潰狀態,「我嘅改變係因為我依家嘅宗教,當時太太有病,我搵唔到任何嘅方法去幫佢,咁啱有個朋友,佢有癌病但決定唔再睇醫生,我鬧佢黐線,佢就同我分享教會見證,我就去教會睇吓搵個當事人,因為呢一件事,我認為唯一出路就係靠耶穌。」



苑仔又稱當年尹天照曾勸她「信教」,但最終失敗而回,她戲言:「我估佢最唔順超就係捉唔到我返教會,唔知佢仲有冇恆心說服我呢?」

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!