• 【壹週和你股】中教(839)繼續揸 揀埋隻澳博(880)做膽|譚朗蔚
  • 2020-08-12    

 


今日正式開波之前,一定要跟進下上回推介的中教(839)一推即刻翌日配股,唔好意思,當然唔係特登。事實我在7月中14.60元已經開始推介,而配股只不過是意外。老實,又不是甚麼意外,反正同業希望(1765)同睿見(6068)都先後配股,都算是行業風氣。不過,配股從來不是一面倒淡,是視乎你配俾邊個,和配來做乜。如果好似遠大(512)咁配俾著名私募的話,情況又完全不一樣,爆升可期。不過教育界沒有高瓴,只能夠從配股來做乜著手。

集團配股前宣布併購海南一家民辦教學團體,刺激當日的股價大升。好明顯,it’s a good deal,我看不到集資來實現這個併購有幾利淡。因此,雖然股價在過去兩日倒跌,但是我有信心:信心不是來自死雞撐飯蓋,亦不是來自將錯就錯,而是來自股份五線多頭,來自前一支大陽燭15.22元附近有支持,因此建議揸住。

呻多兩句先入正題:微創(853)發盈警當日,我在本欄同大家講要小心,那盈警已經講到明集團不只損失了一次性的收益,而是真真正正在top line收入上面有減少。當日股價低開之後倒升半成,出面好多人笑我(不是你地)話我燈,我希望佢地有追呀,輸X死佢!

好喇,鬧完人是時候入正題:今日同大家推澳博(880)原因是澳門逐步通關,其實這幾日炒通關炒到唔只升賭股,就連航空、機場等股份都炒起,雖然有少少over,但總算是一脈相承。我現在是押注濠賭業已經turnaround,最壞時候已過。現在是大升浪的開端,已不是散戶口中的已經升咗、太遲云云。選澳博是皆因佢圖強,又是陀地,選美高梅(2282)、金沙(1928)的話小心續牌風險。現價買入,佢短線的阻力9.75元已經清左、企穩,上望10.50元之後無雷公咁遠,止蝕?我諗唔到點解要止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

【第四季砌出一個增長15%的「組合」】壹齊分享網上直播

譚朗蔚Stevan x 黃偉豪Ravi | 立即了解更多

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!