• 【壹週和你股】懶理外圍亂局 內地復課在即 中教控股(839)中長線皆可|譚朗蔚
  • 2020-08-10    

 


今日繼續同大家喺新經濟板塊以外尋寶,教育股明顯強勢,中教控股(0839)仲破埋一年高位。其實內地控疫方面做得唔錯,撇除假數據,經濟有機會進一步重啟。復工之餘仲會復課,咁對佢來講整體好嘅,同埋始終到八、九月開學季節,教育股作為內需必備,始終有剛性需求,而外圍中美貿易戰事,對佢可以話冇影響。

新學年唔單止會招新生、加學費,甚至建新校舍同併購,呢啲都會憧憬增長。公司今日出了通告,用15億收購海南嘅辦學團體,該辦學團體有商學院、藝術學校等等,加上又喺海南,係國家發展嘅重鎮,未來發展睇高一線!

技術上,股份十分強勢,均線呈現多頭排列,成交亦暢旺,上週五已經偷步炒起,今日半日成交已經多過上一個交易日,證明有資金追捧買上,今日順利突破2018年中的16.6元高位,創歷史新高,上方冇蟹貨,冇阻力,值得中長線持有!如果冇貨嘅話,就可以在前頂16.6元買,上望20元,跌穿前兩日收市價15.9元止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

【第四季砌出一個增長15%的「組合」】壹齊分享網上直播

譚朗蔚Stevan x 黃偉豪Ravi | 立即了解更多

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!