• 【擇日海葬】亡妻於寶蓮寺火化 曾志偉:所有嘢都係跟佢遺願
  • 2020-08-10    

 

曾志偉太太朱錫珍於上週一(3日),在養和醫院病逝,兒子曾國祥表示希望低調處理後事,昨日於沙田寶福山紀念館設靈,今早再到大嶼山寶蓮寺進行法事及火化。上午8時多,志偉與家人已到達寶蓮寺,進行法事。至中午12時,火化爐升起煙霧,其後寶蓮寺住持釋淨因與12位高僧離開,朱錫珍已化作輕煙。火化儀式後,眾親友跨過火盆步出,志偉幼子曾國猷亦拖住女兒低調離場。志偉、曾國祥及妻子王敏奕企定定讓傳媒拍照,志偉忍著喪妻之痛,表示葬禮從簡是依照太太意思去做。「我哋兩父子想跟佢嘅意思,佢本身係一個好低調嘅人,依家有疫情,都唔想聚集咁多人,所以選擇咗一個寧靜嘅方式。」志偉說。

他表示太太朱錫珍已病了一段時間,她離世時,一家人都在她身邊,大家都有心理準備,「佢病咗有成十個月,阿仔都好乖一路陪住佢,我哋最想係佢唔好再痛苦。我哋屋企都係佛教徒,對生死都有個睇法,儀式今日已經完成晒,所有嘢都係跟隨佢嘅遺願。」講到在寶蓮寺進行火化儀式,志偉表示是太太遺願之一,「佢好希望,不過我哋都唔知係咪得,好似時間、環境、疫情等,不過佢本身都成日嚟做義工,我哋去求大師時,佢對話『佢係自己屋企人,一定幫嘅!』」 曾國祥透露媽咪一直想海葬:「佢一路話一切從簡,媽咪生前係一個低調嘅人,唔鍾意麻煩人,但未擇日(海葬)。」他坦言,早前獲金像獎「最佳導演」是給媽咪最好的禮物,當時他與媽咪齊齊在醫院看直播。「宣布嗰時好開心,佢攬住我,大家喺度喊,我希望嗰個係我畀佢有史以來最好嘅母親節禮物,好感恩有個機會畀佢睇到我少少嘅成果。」他憶述時也非常感動。攝錄:余一樂、SKY

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!