• 【攞正牌咀Viu女神沈殷怡 】花姐要Anson Kong揀女講心唔講金
  • 2020-08-09    

 

Mirror成員Anson Kong(AK)將推出新歌《蝸牛》,特別找來識於微時、憑《美女郊遊遊》等節目爆紅的沈殷怡(Shirley)擔任MV女主角,《蝸牛》的歌詞以AK的愛情故事為藍本,Shirley在MV演AK的女朋友,當中有甜蜜的鏡頭,AK在MV中演的是後知後覺的男友,更後悔到流下男兒淚! 

Shirley為AK於MV中獻出熒幕初吻,對方的紳士表現令她安心演下去,她說:「佢事先問可唔可以錫臉或者錫其他地方,大家都係想個MV好睇,最後即使親密鏡頭有啲尷尬都唔緊要,觀眾覺得好睇就OK了。」問AK可會是理想男友類型?Shirley笑說:「我鍾意白白淨淨高大哨牙,AK笑咗我十幾年,話邊有人鍾意哨牙,但我呢個癖好到依家都戒唔到。佢成日都問我佢靚唔靚仔,以我嘅標準,有啲進步空間囉!」

今次AK找來Shirley參與演出,他說全靠友情搭夠:「因為花姐話冇乜Budget,問我搵唔搵女主角,起初諗住唔搵,但後來覺得呢首歌嘅男女關係比《特登》講得更加深入,如果《特登》需要一個MV女主角,呢首就更加需要,咁花姐就問我行內有乜嘢人會同我講心唔講金,跟住我就諗到只有Shirley,因為我哋識咗接近10年,由唱歌比賽識於微時,到我加入Mirror後喺公司撞返好有緣,一直都想搵個機會合作,同埋揀歌時,一聽呢首歌已picture到佢個樣,實在好適合當呢個MV嘅女主角。」在Mirror成員當中,只有AK的MV有女主角,他自言非常幸運亦多謝花姐批准,不過他認為MV風格不一樣,所以才會有這樣的安排,他說:「Jer嘅MV唯美,Anson Lo跳唱歌好難有女仔穿插,姜濤就要等下先,怕民情洶湧,所以我要多謝大家接受我嘅MV有女主角。」

齊齊刷牙,好sweet喎!
今次AK找來Shirley參與演出,他表示全靠友情搭夠。
Anson Kong碌友情卡搵沈殷怡做MV女主角 。
Shirley更為AK於MV中獻出熒幕初吻,AK的紳士表現令她安心演下去。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!