• 【又涉醉駕炒車兼傳拒吹波仔】楊明行路一仆一碌報稱不適 被警員攙扶上車
  • 2020-08-08    

 

繼2005年醉駕被判罰款$7000元及停牌1年後,楊明又衰多鑊。就喺啱啱,即8月8日星期六凌晨12點左右,涉嫌醉駕炒車,據聞仲拒絕「吹波仔」添。

楊明近年受大台力捧,又成日喺劇中演警察,現實中都好鍾意支持警察。不過不久前就被警員「的」咗上救護車,送往律敦治醫院。事關佢揸住架Benz,沿山頂馬己仙峽道落山期間。疑失控越過對面線並撞向防撞欄,之後再前衝60米左右,最後撞多次欄同埋石壆先停低。現場其他司機隨即報警。

警員到場後證實涉事司機就係楊明,且聞到佢成身酒氣,連路都行唔穩,但佢未能進行「吹波仔」,又報稱不適,警員唯有夾手夾腳「的」呢位撐警人士上救護車。

其實,楊明唔只「精於」醉駕,更有襲擊及刑事毀壞前科。2006年,佢喺夜店襲擊保安員而被判守行為。但喺守行為期間,又帶醉意於便利店兩次以回鄉卡購物不果,繼而破壞店內物品,故被法院判社會服務令150小時,及賠$3880。

醉駕、襲擊及刑事毀壞,令佢賠上演藝事業霉足十年,只能做屍體、強姦犯等角色。今次又衰多鑊,唔知結果如何呢?

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!