• 【屯門穿越流浮山睇風景】倫伯興奮除罩打卡 疑違反「強制口罩令」
  • 2020-08-06    

 

即將70大壽的倫伯,繼早幾日在微博認錯衞詩係衞蘭之後,今日又有「蝦碌」事件!話說佢靜雞雞剷除FB帳戶之後轉玩微博,幾乎日日出po講近況。今日佢上載咗大批戶外運動相,話自己由屯門穿越到流浮山睇風景,唔知係咪路程太遙遠,倫伯忍唔住除低口罩唞氣,唔通佢唔記得咗而家有「強制口罩令」,做運動係不獲豁免㗎!



本港第三波疫情近日雖然有回落跡象,不過張竹君醫生就話未係時候放寬限制。上個月尾,林鄭政府宣布推行強制戶外戴口罩規例,任何人在室外公眾地方都要戴口罩,吸煙、做運動都不能豁免。不過。依然有唔少市民唔小心犯咗法都唔知!



好似「藍校長」倫伯今日在微博開心share一批戶外運動相,相中的他約埋一個朋友去跑步。倫伯表示:「有時候只跑室內也是乏味,從屯門穿越到流浮山,風景都不錯。」一邊跑步,一邊欣賞風景,倫伯沿途一直有打卡,起初都有遵守「強制口罩令」,帶住口罩影相。



但由屯門行去流浮山,路程差唔多要2小時,唔知倫伯係咪頂唔順,終於要除低口罩唞唞氣,仲好開心咁同朋友笑晒影相留念。如果呢個時候有警察經過,就罰款$2,000走唔甩啦!

+4

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!