• 【失去自信的五年】經歷結業離婚喪父低谷 40歲Amanda S.企番起身再戰甜品界:我學識愛自己
  • 2020-08-08    

 

傷完又傷

昔日在娛圈,她是名模、女神、郭富城的舊愛,之後由娛圈轉戰飲食,當上烘焙高手的Amanda S.,自15年將自己一手創辦的甜品店Petite Amanda結束後,便絕跡甜品界一段時間。原來這五年間,Amanda除甜品店結業,更經歷離婚、爸爸離世,及早前的失戀。

連番錯敗,陷入人生的低谷,過往單一甜味的Amanda,體會人生還需苦辣調云,才豐富層次。今年踏入40歲,失去中她學懂更愛惜自己,並帶著勇氣重出江湖,重返甜品界,開設為期六個月的限定店,售賣首創獨特千層Ooonut。下半場,她找到快樂意義!

13年,在甜品界嚮出名堂的Amanda S.,雄心壯志在中環IFC及銅鑼灣的黃金地段開設甜品店,可惜永遠無法掌握的際遇,碰上佔中運動,令生意淡薄,難以經營下去,最終要結束離場。

賠上心血與積蓄,店舖結業本令Amanda大受打擊。帶著事業創傷回到家裡,才發現自己為這盤生意,完全忽略了婚姻,結果一個埋頭打拚的女人,換來離婚收場。

開店留陰影

守不住事業,更守不住伴侶,她在一年內雙重打擊,以為走到最低點,豈料緊接發現父親癌症復發,來不及整理自己錯敗的情緒,Amanda便趕緊收拾行裝,飛返法國照顧父親。

兩年前父親病逝,新戀情亦在去年告終,幾年間學懂絕處逢生的Amanda S.,明白女人最緊要自強,故去年中開始,Amanda重投模特兒和廣告工作,亦為旅遊節目《神奇旅俠》擔任主持。

重新出發的她活得更自在自信,自知在甜品界仍未服輸,故決定再戰江湖。不過經一事長一智,學精了的Amanda不被昂貴的店鋪租約束縛,選擇做「遊牧」商人,以六個月pop up店形式售賣甜品,Amanda :「我唔會做實體店,只會揀六個月pop up形式,因為以往經營店舖真係好辛苦。不過依家都承擔嘅都唔輕,因為所有嘢都係自己親手做,無辦法交畀其他人,今次係我passion project,希望為所有香港人做一啲事情。

今年係一個艱難時期,我喺屋企做咗好多蛋糕,因為想做一啲事情令大家開心,所以呢個passion project係為大眾而做,只希望分享喜悅。今年工作唔多,但我係一個唔可以坐喺屋企唔做嘢嘅女人。」

再戰甜品背後訊息

換了心態,再賣甜品,果效不一樣,如今Amanda享受每日做甜品的時光。Amanda說 :「我有一個小型廚師團隊,朝早會一齊喺廚房工作,確保所有出品可以準時送到,接着會處理網上訂單,食個lunch就再返廚房,準備第二日工作,晚上回家後會做啲簡單會計、回覆電郵、計劃下一個pop up,每日如是,很充實亦好享受。」

這天Amanda在IFC連卡佛親自打點pop up場,疫情下好多商戶大嘆生意難做,但Amanda卻在疫市殺出血路。開賣前已經大排長龍,有一班顧客排隊等著購買。下月她會將pop up轉戰到朋友在上環開設的咖啡店,短線游擊,對比昔日做到開分店,多一份輕鬆,生意額竟沒有比以前少。

Amanda :「無諗過可以有咁好銷量,每日都有人排隊,有時夜晚返到屋企,睇返啲短片都會感動到喊,係開心嘅眼淚!依家呢種環境下,仍然有咁多人支持,我真係好感動,多謝大家,我係完全冇預計過會咁!揀呢個時候開始一盤生意,連我啲朋友都話我好瘋狂同神經病。賺錢只屬其次,我希望喺嚴峻時間,將呢個passion project,同大家分享,先係重點。」由低潮到重回正軌, Amanda知道賺錢以外,穩健的心情才是最可貴。

透過甜品,她想接觸的每一個,能從味蕾到心情,帶來一刻愉快。Amanda :「依家做pop up店,絕對唔係一門賺大錢的生意。當然可以足夠營運,但食材價格十分昂貴,加上本身規模唔算大,所以無辦法降低成本,盈利唔係可觀。我只想透過passion project,令大家開心,分享愛!因為我依家愛自己,所以想怎樣就會去做。」嚐過低谷的苦,才明白甜的真正意義,是一種安慰。

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!