• 【裕美創業男友出盡力】林作拍片反擊「翻版周秀娜」 硬銷女友鑽戒生意
  • 2020-08-05    

 

自從林作與裕美公開戀情後,雖然女的被林母落閘,唔畀裕美「入門」,不過二人一於懶理,愛「美」心切的林作,不但親撰千字文護花,更與裕美於半山林母名下價值4,000萬的豪宅同居,且不時高調孖住放閃,相當冤氣。

為證對裕美一條心,就連過往花邊新聞,都不能再出現半點差池的林作,就對早前《壹》仔報導他曾追求「翻版周秀娜」關嘉敏一事,觸動神經,尤其女方承認當時獲他「欣賞」兼送手鏈,林作要拍片澄清:「首先我從來無單獨約過佢,只係一大班人入面見過;第二,我從來無話欣賞佢,甚至要一定追求佢;第三,我無送過禮物畀佢,同佢無太多私底下嘅交流。」

林作講到咬牙切齒,大叫無辜外,還指為了向女友道歉,送上「摯愛」造的戒指。啊!講咁多,終於真相大白,原來澄清事小,為「摯愛」賣廣告事大。

其實,早前林作已經預告,裕美正進行「大project」,而要裕美事先「交數」,豪言到今年底會賺200萬,林作又拍心口保證:「十二月三十一日裕美就攞本銀行存摺出嚟,打簿畀你哋睇,如果無二百萬,我代裕美宣佈,從此喺香港消失。」玩到咁大,當然要出盡力幫女友宣傳啦!更何況200萬對林作來講,濕濕碎喇。

林作拍片反擊關嘉敏,原來真正目的,是為女友裕美新開的鑽戒生意宣傳。
林作與裕美公開戀情後,經常高調放閃。
關嘉敏指林作表示欣賞她及獲贈手鏈,惟遭林作一一否認。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!