• 【大哥大都要爆】疫情下民不聊生 洪金寶直斥:好多人失業,香港政府幫助過咩嘢呢?
  • 2020-08-05    

 

香港爆發第三波疫情,連日破百,昨日(4/8)更發展至街市爆疫,愛逛街市的影壇大哥大洪金寶,更重裝防疫自保。對於政府大半年抗疫的荒謬表現,大哥大跟好多市民一樣,鬧爆!「而家香港爆發第三波,惟有叫市民睇開啲,自己小心啲,香港政府繼續咁樣,我諗應該會有第十八波,同落第十八層地獄一樣。」

他最不屑,是早前早午堂食禁令搞到一鑊粥,全民媽聲四起,包括大哥大:「佢哋呢啲係咩政策,真係荒謬到不得了。」

一向覺得政府抗疫靠唔住的68歲大哥大洪金寶,在街市爆疫前,已作重型防疫,當日他出動買餸,口罩打孖上,再加膠面罩,頭巾加草帽,還有手套。
大哥大廚藝了得,如今疫情令演藝圈進入寒凍期,他惟有玩煮飯仔過日神,買餸當伸展。
大哥大一向愛照顧台前幕後的同事,經常親自下廚慰勞他們,同樣他對民生亦相當關注。

疫情下,眼見高官防疫不力,民生更得不到適時的幫助,大哥大睇唔過眼,繼續直斥:「好多人破產,香港政府幫助過咩嘢呢?呢樣又話幫唔到,嗰樣又話幫唔到。我睇新聞報導,呢幾個月好多人失業,然後老婆搵份月薪萬四蚊嘅工作,之後去申請援助,政府話唔批,因為老婆有萬四蚊收入,所以唔符合資格申請。人哋一家有六、七口,政府唔去諗下!」

眼見身邊友人的處境,令大哥大對政府漠視民生感到氣憤。「我以前有位師叔,佢已經八十幾歲,幾十年前買咗一層樓,而家一個老人家無工作,留喺屋企,佢去申請援助,政府唔批,話因為佢有一層樓,所以無資格申請。人哋生活唔到,只得呢一層樓可以點樣?係咪要轉咗俾人或者一無所有?趴喺街邊地下先至有資格申請?仲要可能二十年後先獲批,呢啲係咩嘢政策?政府好多時唔會去諗申請人嘅家庭狀況。」

由抗疫到民生政策,只能說,777部隊思維,屢創經典。
現為健康進行減肥,戒澱粉質及每日在八小時內完成三餐的他,對比昔日,大肚腩確實縮了。

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!