• 【壹週和你股】微創盈警 講到明……喇!仲搏?|譚朗蔚
  • 2020-08-05    

 


今日同大家講一隻股份:微創醫療(853)。我曾經好鍾意佢,其實依家都好鍾意,但就覺得佢好貴,唔值。喂喂喂,好正常啫,等於我認為一對千幾蚊的鞋好靚,但是你現在告訴我佢要賣萬幾蚊。大佬,我唔買你,我洗驚無鞋著咩?

兩三個月之前,醫療器械股隻隻都曉飛天,優質、有業績、有盈喜的炒,劣質、無盈利、有個「B」的又炒,全部創新高,咪埋眼都賺到錢。但是今時不同往日了,春立(1858)由多頭排列變死亡交叉,愛康(1789)如是;最投機的永勝醫療(1612)半個月啫,由高位回吐近一半,大把人葬身火海。

兩個禮拜前中芯(981)毀滅,我提醒大家高估值的東西不要掂,自此我甚麼新經濟的股份都無掂過,但是我管理的組合在上月一樣升兩成,大大跑贏大市。我話:醫療器械、B字股全部要走光,全部「唔係唔報,時辰未到」。到的話,你走唔到。今日,微創發布盈警,但是股價低開半成之後倒升。

到底點解佢會倒升?因為上年賺得多是有一次性受益,今年賺得少是基於筆數無左,咁理解好正路。盈利是掩眼法,但是收入不騙人。集團在盈警講到明:除了一次性受益以外,集團本業的收入是受到疫情拖累而下降,這是鐵一般的事實。全部同業見頂回落,再無疫情受惠概念庇佑了,還挨得幾耐?

有些散戶是好犯賤的。你提醒佢要小心,佢後來出了街一日而死,佢會返來寸你燈、寸你多餘。即是非要我一提佢,佢就要橫屍街頭、五馬分屍的才信我。別忘了,到時候你已經身首異處啦,報夢來多謝我呀?話說回來,又來到基本步:我唔掂這類股份都穩賺,你真係奈我唔何。股份最後支持36.45。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!