• 【唔夠100磅】唐詩詠疫情開工血壓超低得番70:試過眼矇睇唔清楚喺廠暈咗
  • 2020-08-06    

 

近日疫情反覆,尤其在外工作,更不敢掉以輕心。

正在拍攝大台劇《超能使者》的唐詩詠,早前跟拍檔陳展鵬拍街景,未埋位前,兩人做足防疫措施一直戴着口罩,不過天氣炎熱,兩人有時都要除口罩飲水補充。

站在健碩陳展鵬身邊,唐詩詠更見纖細。原本不夠100磅的她,表示今次疫情下開工,身形亦明顯縮了一個碼。

「早排難得有一日休息去咗睇中醫,先知自己血壓低跌到得番70,中醫仲問我有冇好唔妥,正常人係90幾,佢即刻開咗解毒茶畀我,又同我針灸。而家疫情嚴重,身體一定要有足夠抵抗力,我近排成日覺得自己好似想中暑咁,仲試過睇嘢唔清楚冇FOCUS。」唐詩詠向外透露。

在劇中飾演擁有超能力的「救世者」,唐詩詠不單睇得更要打得,所以早前嘴和下巴均告受傷,就連好姊妹黃翠如也特登到她的錄影廠慰問。

正在趕拍的《 超能使者》,除唐詩詠外,還有陳山聰,陳展鵬、林子善和劉穎鏇。
因疫情關係,大部份外景都轉為廠景。
雖然拍得辛苦,不過唐詩詠對着鏡頭,依然笑得十分開心。
喜歡演戲的唐詩詠,就算唔做靚女,扮衰人要食煙也可以好投入。

雖然撐得住,不過唐詩詠也不得不錫住自己,飲食清淡,又照醫師吩附煲解毒茶。事關三年前,她同樣在炎熱天氣下拍《楝仁的時光》,淋雨後再拍通宵戲,終於支撐不住在錄影廠暈倒,結果要劇組急召白車入醫院。不過,唐詩詠在翌日出院,像沒事發生繼續開工,因她不想拖累攝進度。

入行多年,向來習慣報喜不報憂,被喻為「最佳女朋友」的唐詩詠,看來還可以拿多個「最佳員工獎」。
不用開工,她會做運動游水,享受大自然生活。
近日愛上清淡飲食,她閒時會煮雜菜湯,十分注意健康。
中醫師吩咐要煲的中藥,她也有在IG跟其他人分享。
閨密黃翠如知道她拍劇受傷,也有過廠慰問。

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!