• 【中環寸嘴】富豪的悲哀
  • 2020-08-03    

 

跑馬地彭慶記老細幾招積同我講,話成個南區佢做哂(註:喺外賣) ,咁又難唔到佢嘅,以前佢包咗成個差館嘅伙食嚟做啦。聽佢講,啲富豪級老爺驚冇啖好食,吩咐啲管家,餐飯點都要加兩碟彭慶記嘅料放喺枱面,嗱,呢啲加料唔係我哋平時燒腊鋪嗰隻呀!疫情之下,足不出戶,真係富豪嘅悲哀,正式係「有錢冇掟使」; 唔止呀,睇埋孟晚舟單嘢,話喺匯豐過料俾美國佬,問你啲闊佬家陣同銀行佬食飯驚唔驚,容乜易將自己portfolio啲料全世界咁飛,所以富豪嘅悲哀仲係「有錢冇掟躉」!

都係趁住堂食解放,出街八下好過。嗱,另一間外賣點心有保證嘅飯堂係灣仔「金碧軒」,老細大鴻輝出名孝順,以往經常見佢陪住老母撐枱腳,兩母子都係度食,咁廚房一定乾淨啦,不過要識搵樓面阿姐Money訂位,正所謂No Money就No Talk!金碧軒出品有啲福臨門影子嘅,不過都仲未達其水準,福臨門用發鮑魚嘅水去做個上湯底,其他地方真係做唔到,所以食福臨門真係會食上癮㗎!

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!