• 【疫情下開學】梁芷珊陪女飛英國升大學 揸BNO稍後移民當地:明年起隨時可去
  • 2020-07-31    

 

吉隆坡買樓曾想移居當地

第三波武漢肺炎疫情肆虐,全港中小學及幼稚園早前已提早放暑假。如今一班星爸星媽最擔心的是新學年安排,到底9月能否如期復課,仍是未知之數。其中梁芷珊的女兒在英國升大學,她將會陪女飛到當地開學。

英國宣布對持有BNO的300萬香港市民,放寬簽證權,並提供入籍途徑。新政策令不少港人受惠,前年已在吉隆坡買樓花,原先考慮移居大馬、想在吉隆坡開分公司的梁芷珊,亦決定改投英倫懷抱,揸BNO的她計劃稍後移民英國。

梁芷珊曾說,她人生中的唯一意料之外,應該是女兒的來臨,但如今女兒卻成為她最大的祝福。

為員工要將生意做好

她最初計劃女兒羅樂桐(Eily)升大學之日,是她移居英國之時。不過,自英國宣布決定容許擁有BNO的港人,明年1月起可申請特別簽證,住滿六年更可申請公民身分,她便安心將計劃延後。

「我本來有計劃Eily去讀大學嗰陣,我自己都去英國陪佢、黐住佢,我就喺嗰邊讀書。但英國公布對BNO嘅處理後,我依家覺得唔使太急,因為知道2021年後,你去到英國的話,隨時可以登記去做準備,所以我覺得就算移民都唔會太趕。」她笑稱。

目前她最想打理好飲食生意,坦言:「香港各行業都重傷,好多同事都需要一份好好嘅工作,所以我一定要將生意做好,重新上軌道,先會考慮移居。對我嚟講,唔使急。」

11A英國女狀元

梁芷珊向來喜歡英國,女兒Eily 14歲開始入讀當地寄宿學校,前年於英國IGCSE獲11A佳績,其中十科更是A*。她自言不是怪獸家長,甚至自認Hea媽,笑稱:「我終於可以用事實來證明,小朋友讀書學習係唔使迫嘅,開心快樂成長最緊要,絕對唔使報十間幼稚園,唔需要學七國語言。」

對Eily的讀書態度,梁芷珊願意放手,但對她的防疫策略,梁芷珊絕不鬆懈。雖然疫情瞬息萬變,但她仍決定早點陪女兒到當地預備開學。

「英國啲大學會在9月中至9月尾開學,因為有好多嘢要處理,佢搬入宿舍,有啲嘢要註冊登記、要買電腦同開銀行戶口等等,所以估計會早啲過去。」她說。
女兒小時候,梁芷珊為她聘請一個英語教師,陪伴她四處去,每天3小時,讓她學習放膽說英語。

登機前食維他命C

歐洲疫情持續,香港港武肺又再度肆虐,但此行梁芷珊沒太過憂慮,儘管疫爆全球,生活仍要繼續。

「現時世界各國都有疫情,危險有三方面,第一係搭飛機嘅情況,我諗登機前要做足防預措施,少啲喺機上飲食,登機前食維他命C,提高抵抗力都有幫助。另外,抵埗後都要注意食物,受算係外賣食物都可能接觸空氣,或者是經人手處理,唔知會唔會有病毒,所以我覺得抵達後盡量自己煮食,高溫處理,喺屋企食飯將危險度大大減低。」她強調。

Eily大學一年級會寄宿,梁芷珊相信女兒有足夠的防疫意識。

「宿舍係群居嘅地方,但香港人嘅防疫意識好足夠,雖然有啲不便,去到乜嘢地方都要戴口罩,經常要洗手,每樣嘢都要抹,我諗要帶足夠工具過去,為保障自己同人哋。」她說。

張兆輝想睇定啲

除梁芷珊之外,張兆輝同樣在疫情下,安排仔女回英國升學,他的20歲大仔張卓鏗,及16歲女兒張卓姿(Twiggy)均在當地讀書。

他說:「個仔就9月中開學,個女就8月底返學校,但我個女話,好似好多同學都唔返去住,我依家都係睇8月情況,到時再決定。」

希望所有莘莘學子,全部平平安安回到校園。
張兆輝的子女均在英國讀書,目前在港放暑假。
張兆輝非常痛愛寶貝女,當初實在忍痛讓她留學。
之前女兒回港,張兆輝親往接機。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!