• 【暫時有個了結】梁思浩繼續企硬唔戴口罩開咪 網台D100索性搵人代替做節目
  • 2020-07-29    

 

疫情嚴峻,香港今日繼續錄得過百人確診。

當新城電台高層程凱欣,為港台主持電台節目的時裝設計師鄧達智亦確診後,要開咪的主持都變得更小心謹慎,而網台D100為安全起見,日前亦下令所有DJ須戴口罩做節目。不過梁思浩為D100主持《大家「真」風騷》時就繼續堅拒戴口罩,只得另外兩拍檔,李麗蕊及陳彥行戴口罩,他的行為更被網民鬧爆自私不為人着想。事後,梁思浩解釋自己租用私人錄音室做節目,節目前後都有全面消毒,聲稱十分衛生和安全。



不過,有消息指,因梁思浩企硬唔戴口罩做節目,因而跟D100高層吵大鑊,明天起他的主持位置,將由其他人頂上。

D100總經理蔡浩樑表示:「梁思浩話戴口罩好難講嘢,會影響節目質素,所以先租錄音室做節目。不過呢幾日做節目,大家只係見到佢少少樣,有時又畀人發現佢冇載好口罩。」雖然網台方面再度建議他戴口罩做節目,或用視像做節目,都被梁思浩拒絕。由於大家未能達成共識,節目遂有新安排,據知梁思浩要求搵人代他做節目,看疫情進展而再作出打算。

「聽眾同我哋反映佢唔戴口罩,我哋都好大壓力。所以先叫佢戴住做節目,但佢話適應唔到,大家立場唔同,唯有搵人代替佢先。」D100總經理蔡浩樑表示雙方在心平氣和下討論事件,未有吵大鑊。

梁思浩做節目多年,有一班擁躉支持。
其中一日,梁思浩沒有載口罩做節目,拍檔陳彥行和李麗蕊則有載。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!