• 【90年代三級片王】70歲曹查理「復出」講當年日日有工開:拍咗40套三級片 6萬蚊一組
  • 2020-07-29    

 

現年70歲的曹查理,是90年代三級片的中流砥柱,「咸濕」形象深入民心,戲外他是張智霖的舅父。退出幕前多年的他,日前接受苑瓊丹邀請,擔任節目《開二大吉77》嘉賓。原來他總共拍了近40套三級片,成為「三級片王」。

節目中,曹查理自爆當年「轉型」原因:「當年我幾靚仔又高大啊,但成日都做奸嘅,處於半紅不黑位置,最紅反而係曾志偉、大口青,佢地做晒主角嚟打我,我就一於去拍三級片,睇吓佢地敢唔敢!」曹查理自誇好「乾淨」:「咁多年都冇同圈中人發生過任何關係,一夜情都冇!」

「對手」無數的曹查理,憶述當年首次「下海」經歷:「第一次拍三級片,對手係一個泰國女生,得番塊布遮住,真係睇你夠唔夠遮啦,緊張到不得了。最後叫自己要拋開呢種心理,淨係諗住錢,收工去邊度洗錢!」

三級片令曹查理變成影壇搶手貨,他自言當年日日有工開,他說:「我當時六萬蚊一組,日日開工開足幾年,試過有一次去到現場,導演覺得嗰景唔得,照出糧叫我收工!其實我唔介意人地點睇,因為最緊要記得我,而且好多女明星都係得遠觀,我就可以同佢地親近,所以唔抗拒。」

曹查理收山多年,他表示當年經常返內地登台的成奎安,多次邀請他,並指明只要出現亮相便有幾萬元酬勞,他也不為所動。他卻願意為苑瓊丹復出:「如果苑仔叫我一齊拍三級片,我肯復出,因為呢部一定係笑片,唔會係愛情動作片。」

91年拍《卿本佳人》表現出色,令曹查理其後接拍大量三級片。
《整蠱專家》中,飾演藥房老闆賣春藥予星爺。
參予不少三級片演出的曹查理,曾與不少三級女星合作,當中包括葉子楣。
受好友苑瓊丹邀請,曹查理「復出」任嘉賓。
曹查理自言願為苑瓊丹重現幕前,並表示應該是「笑片」。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!