• 【《殺手》玩互射】 龔嘉欣槍槍打中「要害」 黎耀祥:想我開槍打你邊度?
  • 2020-07-28    

 

大台劇《殺手》中,同樣飾演殺手的黎耀祥和龔嘉欣,幾乎每場戲都打到飛起,「好打得」的嘉欣更斷埋手指筋,拍攝期間,除大展拳腳外,兩人更要揸槍殺人。

日前,祥仔跟嘉欣在現實生活中也來一場射擊運動,以三個回合決勝負,分別鬥眼界、鬥速度及鬥專注力,最搞笑是以對方肖像作為標靶。未開始第一個回合前,祥仔問嘉欣:「想我開槍打你邊度?」龔嘉欣笑笑口講:「打我最大嘅地方⋯⋯就係我對眼。」不過,祥仔似乎眼力麻麻,未有射中嘉欣的指定目標,相反嘉欣卻「Dark Angel」上身,槍槍打中祥仔肖像要害,勝出第一回合。

之後,二人要鬥快上彈開槍射靶,祥仔扳回一局。到決勝回合,祥仔與嘉欣要鬥快跑去一個位置先換彈匣,然後射擊目標,雖然祥仔由跑到換彈匣均領先,但嘉欣後來居上爆冷勝出,祥仔最終須接受懲罰,當成活靶嘉欣任射唔嬲。

自言連「掟飛鏢都掟唔中個靶」的嘉欣無諗過會勝出。她說:「我一直以為女子玩競技射擊運動會比較難,但原來一啲都唔難。」祥仔落敗,但坦言射擊運動給他帶來滿足:「見啲靶打到瞓低晒,感覺好似有交流,所以玩呢個活動好有滿足感」。

二人以對方的頭像作為標靶。
比賽前二人都留心聽導師講解。
估唔到龔嘉欣槍法不俗。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!