• 【曾被林作猛烈追求】「翻版周秀娜」關嘉敏認見過林作媽咪:唔擔心裕美呷醋
  • 2020-07-25    

 

模特兒出身的Carman(關嘉敏),是組合Bingo的隊長,出道四年,最近選擇獨立發展後,她說: 「我地組合Bingo已經四年,當初以唱歌和跳舞為主,而家有個新轉變,就係會獨立發展,我都渴望嘗試不同範疇,例如希望有更多演戲機會!」


有過不少演出經驗的Carmen,最為人熟悉是16年參演ViuTV真人騷節目《脫獨工程》,及林作曾找她合作拍攝微電影《敗家仔》,當時有傳林作對這位「翻版周秀娜」Carman一見鍾情,更曾想在對手戲中自度親咀戲份,但最後失敗收場,沒機會一吻心儀女神,拍罷後他們冇「斷交」,保持聯絡至今。

問Carman當日有否心動跟林作拍拖?Carmen :「其實我同林作一直都係普通朋友,之前因為合作一齣澳門微電影而認識,佢本身風趣幽默,大家都幾投契。」對於對方曾展開猛烈追求,Carmen說 :「以我所見,其實林作經常都追求女仔,我覺得他只係幾欣賞我,佢亦曾經咁樣講。

至於講到我同佢比較親密,係因為有咩派對,佢都會邀請我,搵埋我公司嘅同事一齊出席,所以嗰段時間比較熟絡,佢經常會同其他人講,話好欣賞同喜歡隊長(Carmen),但我覺得因為大家相熟,所以佢先會咁講,至於你問佢有無送禮物畀我,有送但都只係正常生日禮物,例如手鏈。」

林作誠意十足,又符合她愛風趣幽默的伴侶條件,但最終她都沒接受這個有學歷有腦,只欠外型的富家子。「其實我都覺得佢充滿才華,剛認識材作時,已經覺得佢好幽默 ,而且轉數快,所以同佢傾偈都會好開心,如果將來結識男友,都想搵呢類幽默型。我結識男友,都以幽默條件為優先,因為我覺得咁樣可以每日傾計都好開心,我好容易氹。」Carmen 說。

林作現時與裕美打得火熱,不過卻因背景和學歷懸殊,外界及林母也不睇好,對此Carmen又點睇? :「我覺得學歷唔重要,拍拖並不是關乎學歷,如果佢真心喜歡,同時覺得對方唔錯,可以穩定發展就可以,最緊要自己鍾意就得喇,所以我會祝福佢!」

對於林作媽媽對裕美落閘,講明如果阿仔娶裕美,便會與林作斷絕母子關係。林母對兒子女友有意見,有要求,而當日林作把Carmen介紹給媽媽認識時,林母有甚麼反應?「曾見過林作媽媽,有啲派對佢媽咪都喺度 我哋有打招呼。唔止我,其實好多人都見過佢媽咪。可能將來(裕美跟林作)關係穩定後,佢哋可以見面。」她說。

林作已有女友,曾被他熱烈追求過的 Carmen,免裕美呷醋,會否避忌點,減少與他聯絡?「都係適當朋友距離,其實我哋都唔係經常揾對方,就係聯絡,都只係噓寒問暖一番,所以唔擔心裕美會呷醋!」

由組合變成現時的獨立發展,Carman說不習慣。「有啲唔習慣,因為當時遇到咩問題,都會有隊友支持同分擔,唔開心時候又會有佢哋鼓勵,但而家所有事情都要獨自面對,好在而家公司嘅同事都好好,應該可以慢慢適應環境!」

出道至今,一直被指是「翻版周秀娜」,其實有否介意?「我覺得係有好處,首先周秀娜係一個美女,所以似佢都唔錯,其次似佢,反令大家對我有份親切感。但係咪希望長期被稱為翻版周秀娜,咁我又唔係太想,我都希望有自己的character(風格),將來有新人被稱為翻版關嘉敏都唔錯!」

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!