• 【娛圈武肺|新城高層都中招】麥德羅氣喘拍片向受感染人士致歉:個肺仲有啲痛
  • 2020-07-22    

 

61歲麥德羅與24歲女歌手施匡翹日前確診武漢肺炎,由於在潛伏期間,二人曾接觸不少圈中人,結果引爆娛圈武肺潮。

日前與麥德羅合唱的劉少君,已證實確診,而施匡翹在潛伏期間,亦曾到新城電台接受訪問,其中新城知訊台執行總監程凱欣,在活動上與施匡翹有過接觸,今日亦初步確診,而訪問施匡翹的新城DJ林子謙,則需入住隔離營。

在施匡翹確診後,新城已安排全公司員工進行唾液測試,但有知情人士透露,程凱欣於本周一獲知測試結果為陰性後,周二如常返公司,當晚開始發燒。另外有指程凱欣因感到口罩太焗,甚少戴上口罩,並指令DJ及嘉賓做節目時不可戴口罩。

而仍然留院治療的麥德羅,今日拍片分享身體情況:「多謝大家一直以來的關心,其實我都唔知道喺邊度得到呢個病,同我接觸嘅朋友,如果都感染到呢個病,我都萬二分抱歉,希望大家快啲好返。」

雖然麥德羅仍有氣喘情況,但他指已經無需再用呼吸機,今日亦已退燒,「之前發燒咗5日,呼吸好小小,但仲有啲喘氣,個肺仲有啲痛,起碼無痾無嘔,無發冷發熱,聽日醫生會再同我檢查一次身體,插條管入鼻哥,我希望感染到嘅朋友都快啲好返,大家都要記得戴口罩同洗手。」

同樣確診的施匡翹,連日來繼續留院,但情況較麥德羅理想,過去幾日未有病徵出現,「今日都係差唔多,醫生同我講個唾液同第一日差唔多,再驗血同血壓都正常,好多人分享方法俾我,例如飲鹽水,24號會再測試,到時再同大家報告情況」,施匡翹表示家人曾帶物資及日用品給她:「沖鹽水飲同埋漱口,可以殺菌同增強免疫力,同埋食多啲維他命D,大家一齊加油」。

而感染群組中,還有麥德羅女友Apple姐(劉麗萍):「今日無發燒,血壓正常,不過就調咗房,三個人一間房,見到其他病人有咳,為安全計成日瞓同長期戴口罩。」Apple姐感謝醫護人員細心照顧,並祝願確診者盡快康復及疫情快點過去。

麥德羅拍片向受感染人士致歉。
施匡翹以飲鹽水及漱口殺菌。
Apple姐被調往三人房,因同房有人咳,所以需長時間戴上口罩。
新城知訊台執行總監程凱欣(右一)今日被證實初步確診。
程凱欣(左一)日前與施匡翹出席同一活動。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!