• 【娛圈爆武肺】劉少君等足一日終入院 麥德羅氣喘:發燒忽冷忽熱血壓高到180
  • 2020-07-20    

 

早前確診武漢肺炎的麥德羅,目前仍在醫院隔離病房接受治療,而曾跟他有緊密接觸的藝人劉少君,感到忽冷忽熱,同時有其他武肺病徵,昨日主動跟衞生署聯絡召白車送院檢測。可是,空等一日仍未獲送院,今日他唯有直接call白車送院。

自覺中招,事關他於7月10日曾在網上音樂會,跟麥德羅孖住高歌;過去14日中,亦有七日曾跟麥羅德游水、食飯和見面,二人有緊密接觸。

至於麥德羅,昨日有指他出現呼吸困難,今早麥德羅透過留言分享病況:「依家忽冷忽熱,仲發緊燒,血壓高到180要食減壓丸,而且頭仲有痛,喉嚨好乾,已經瞓好多,希望聽日會好番啲,總之今日都未好番晒,禽日打咗支針,令我冇咳咁多,多謝大家關心。禽日呼吸困難,醫生幫我打咗支針,隨日要打,打完之後感覺好少少,冇咁辛苦,多謝大家關心,我會努力抗毒。」麥德羅說話時,仍有氣喘情況出現。

麥德羅女友Apple姐,同樣透過留言表示自己仍在醫院,亦未有出現病徵,「多謝大家對我關心,我依然喺醫院隔離病房,好彩冇咩唔舒服,冇咳亦冇其他病徵,亦都有精神,醫院每日同我檢驗,不過身體含菌量時多時少,但係暫時毋須用藥,希望大家都冇事。」

屬Apple姐旗下經理人公司的歌手施匡翹,早前同樣確診,但情況穩定,現在醫院等候深喉唾液樣本檢測結果,「到依家為止我身體同精神都良好,醫生有幫我驗血,一切都正常冇問題,至於深喉唾液樣本,就要等聽日再去檢查,後日會有多啲資料,到時再update大家,希望有唔舒服嘅朋友都快啲好番,大家努力抗疫。」

劉少君自爆與麥德羅幾乎日日見,感到病徵後,今日他直接call白車送院。
7月10日劉少君曾在網上音樂會,跟麥德羅孖住高歌。
麥德羅今早透過留言指自己仍有發燒,說話時依然有氣喘。
施匡翹正在醫院等候深喉唾液樣本檢測結果。
Apple姐指自己未有出現病徵,但身體含菌量時多時少。

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!